6 महिना लिएर मोर्चाले पहाड़कोरूप परिवर्तन गर्नेछ--भ्रष्टचारको फाइलकोपछि लाग्यो भने विकास कसले गर्छ?-डा.छेत्री

कालेबुङ,1 जुलाई,मनोज वोगटी: मोर्चाले अब पहाड़कोरूप परिवर्तन गर्ने भएको छ। विकासको माध्यमबाट सम्पूर्ण समस्याहरूको समाधान गर्न मोर्चा लागिसकेको आज कालेबुङका विधायक डा.हर्कबहादुर छेत्रीले जनाएका छन्‌। आन्दोलन गर्दा कसैले बाटो छैन भन्छन्‌, कसैले झोड़ा, कसैले स्कूल, कसैले के के। पहाड़मा राजनैतिक परिवर्तन त भयो यत पहाड़को रुप पनि परिवर्तन हुनुपर्छ। अब 6 महिनाभित्र पहाड़कोरूप परिवर्तन गर्न चहान्छौं-तिनले पत्रकारहरूलाई भने। तिनी दिल्लीका आर्किटेक्टलाई नगरको अवस्था देखाउन र नगरको नयॉं डिजाइन गराउन कालेबुङ लिएर आएका थिए। दिल्लीको कनट प्लेसको डिजाइन गर्ने बताइएका आर्किटेक्ट पीआर मेहताले नगरको बनावट अनि समस्याहरूको निरिक्षण गरे।

डा.छेत्रीले बताए,अब कालेबुङको मेन रोड र कार पार्किङलाई नमुनाकोरूपमा निर्माण गरिनेछ। यो सफल रह्यो भने हाटबजार अनि त्यसपछि अन्य कुराहरूको निर्माण गरिनेछ। कालेबुङको ट्राफिक समस्या समाधानको निम्ति मात्र होइन सम्पूर्ण नगरको सुन्दरीकरणलाई अघि राखेर योजना तयार पार्ने कार्य अहिले भइरहेको छ। तिनले भने, कालेबुङ पस्ने बित्तिकै पहिले मैला देखिन्छ, हामी पस्ने बित्तिकै फूल देख्ने बनाउनेछौं। नगरका अवैद्ध घरहरू हटाएर नगर सुन्दर बनाउको निम्ति गरिनुपर्ने सबै काम गरिनेछ। दार्जीलिङको जस्तो चौरस्ता कालेबुङमा पनि बनाउन सकिन्छ। यसैकारण प्लानिङ गर्नमा पोख्त आर्किटेक्टलाई ल्याएका हौं। कालेबुङलाई असुन्दर बनाउने सबै कुराहरू हटाएर सुन्दर बनाउनमा के के व्यवस्थित गर्न सकिन्छ, यसै कुराको निम्ति निरिक्षण गरिएको हो। अहिले त नगर विकासको आवधारणा मात्र छ। सम्पूर्ण डिजाइन बनाएपछि डेभलोपमेन्ट प्लानिङ मिनिष्टरसित बस्नेछौं। हामी 6 महिनामा नै पहाड़मा परिवर्तन देखाउन चहान्छौं। तिनले ममता व्यानर्जीले पहाड़लाई यसै पनि स्वीट्‌जरल्याण्ड बनाउने घोषणा गरिसकेकीले पनि मोर्चाले विकासको कार्यलाई द्रुत राख्ने तिनले जनाए। तिनले भने, माकपा सरकारको बेला 34 वर्षमा पनि नआएका मन्त्रीहरू ममता सरकारपछि 10 दिनमा नै आएका छन्‌।

सबैले नै केही न केही गर्ने आश्वासन दिएरै गएका छन्‌। ममता व्यानर्जी जतिसक्दो विकास पहाड़मा होस्‌ भन्ने पक्षमा रहेकी छन्‌। तिनले पेदोङमा एउटा कृषि महाविद्यालय बनाउने पनि जनाएका छन्‌। डा. छेत्रीले ममताको महिमा गाउँदै अझ भने, ममता व्यानर्जीले पहाड़को लागि 30-30 हजार मेट्रिक टन चामल र गहूँ पहाड़ पठाइसकेकी छन्‌। जसको मूल्य 150 करोड़ हुन्छ। यसले सरकार आधारभुत काम गर्न तत्पर रहेको जनाउने बताउँदै पहाड़वासीलाई अन्तोदय योजनाभित्र हालिने पनि तिनले जनाए। आर्किटेक्ट मेहताले इच्छाशक्ति छ भने निश्चय नै पहाड़को विकास हुने बताउँदै मोर्चाले देखाएको उत्सुक्ताले निश्चय नै कुनै उपलब्धी हासिल गर्ने जनाए।

भ्रष्टचारको फाइलकोपछि लाग्यो भने विकास कसले गर्छ?-डा.छेत्री

त्यही देश हो जहॉं भ्रष्टचारको विरोध भइरहेको छ अनि त्यही देश हो जहॉं भ्रष्टचार विरुद्ध उठेको आवाजलाई दबाउन सामरिक शक्ति पनि खर्च गरिरहेको छ। देशभरि भ्रष्टचारको विरोधमा आवाज उठिरहेको बेला दागोपापको भ्रष्टचारको विरोधमा किन आवाज उठ्‌दैन भन्ने प्रश्न जटिल बनिरहेको छ। केही दिन अघि क्रामाकपाले भ्रष्टचारको विरोधमा कालेबुङमा पथसभा गर्दै दागोपापमा भएको भ्रष्टचारको विरूद्धमा आवाज उठाएको थियो। क्रामाकपाले भ्रष्टचारमाथि शीघ्र नै जॉंच हुनुपर्ने माग गरेको थियो।

हिजो पनि भुपूर्व सैनिक मोर्चाका कर्णल रमेश आलेले पनि दागोपाप भ्रष्टचारको विरूद्धमा आवाज उठाइनुपर्ने बताएका थिए। पहाड़बाट गोरामुमोका नेताहरूलाई पहाड़बाट निर्वासित गरेपछि गोजमुमो अनि अन्य दलहरूका प्रतिनिधिहरूले 2008मा दागोपापका सम्पूर्ण कार्यालयका कागजपत्र जफ्त गरेको थियो। कागजपत्र जफ्त गरेपनि अहिलेसम्म भ्र्रष्टचारबारे खुलासा भएन। त्यसबेला सबै दलले गोरामुमोले दागोपापमा व्यापक भ्र्रष्टचार गरेको जनाउँदै कागजपत्र जफ्त गरेको थियो।

अहिलेसम्म भ्र्रष्टचारबारे खुलासा नभएको वा सबै दल मिलेर पनि गर्न नसकेकोले वास्तवमा गोरामुमो नेताहरूले भ्रष्टचार नै गरेको थियो के त भन्ने प्रश्न उठिरहेको छ। आज मोर्चा प्रवक्ता डा.हर्कबहादुर छेत्रीसित यस सम्बन्धमा कुरा गर्दा तिनले जफ्त गरिएका कागजहरू विभागमा बुझाइएको अनि केवल जॉंच गर भनेर भन्नु मात्र बॉंकी रहेको जनाए। तिनले भने, हामी भ्रष्टचार गर्न दिने छैनौं। दागोपापका कागजहरू विभागलाई बुझाइएको छ। अहिले मोर्चा विकासको निम्ति व्यस्त छ। फाइलको पछि लाग्यो भने विकास कसले गर्छ? विभागले नै त्यसबारे काम गर्नुपर्छ।