Suhana Hill Angels' School Mungpoo Celebrates Parents' Day

मंग्पू/१२ दिसम्बर : हिज स्थानीय रम्बी बिचकमान सार्वजनिक भवनमा के० बी० ग्याबाको अध्यक्षतामा सुहाना हिल्स एन्जेल्स स्कूल द्वारा अभिभावक दिवस पालन गरियो | कार्यक्रमको शुरुमा प्रमुख अतिथि बी० के० गुरुङ द्वारा दिप जलन गरेपछि स्कूलका नानीहरुले प्रारम्भिक गीत प्रस्तुत गरे | विधालयका आठौ कक्षाका छात्र अनुप रसाइली अनि पाचौ कक्षाका छात्रा रिया तामांगले संचालन गरेको कार्यक्रममा स्कूलका नानीहरुले खुबै रोचक ढंगमा लोक नृत्य प्रस्तुत गरेर सबै अभिभावकहरुलाई मन्त्र मुग्ध पारे | यसरी नै विधालयका नानीहरुले गीत , नाटक साथै कविता वाचन पनि प्रस्तुत गरे | १९९३ मा स्थापित सुहाना हिल्स अन्जेल्स स्कूलले यस वर्ष देखि आई० सी० एस० सी० वोर्ड पनि शुरु गरेको जानकारी विधालयका प्रधान अध्यापक मनोज तामांगले दिएका छन् | यस स्कूलले २००७ देखि विधार्थीहरुको सुख सुविधाको निम्ति होस्टेल पनि शुरु गरेको प्रधान अध्यापकले बताएका छन् | उक्त अभिभावक कार्यक्रममा मंग्पू मोर्चा जोन सचिव रतन लामा लगायत मोर्चाका अन्य शिर्ष नेताहरु पनि उपस्थित थिए | कार्यक्रममा नेपाल , दार्जीलिंग , सिलिगुडी , टिस्टा भेली , सोरेंग , मांगमाया बात आएका अभिभावकवर्ग पनि अतिथिको रुपमा उपस्थित थिए |