मङपूमा आइताबारे हार्ट शुरु

मङपू१२जनवरी(केशर मोक्तान) आज देखि स्थानीय मङपू नालीडाड़ा बस स्ट्यान्डमा आइताबारे हार्ट (Sunday Haat Bazar in Mungpoo Bus Stand) शुरु भएको छ | स्थानीय  सिन्कोना बगान व्यवस्थापक बिदुर कार्कीको बाहुलीबाट  नरिवल फुटाएर उक्त  हाटको  उद्घाटन गरियो | सौगात हाट संचालन समितिको पक्षमा गगन राईले मङपूको आम जनताको चासोलाई ध्यानमा राख्दै आज देखि यस हाट मङपूमा शुरु गरिएको जनाए | अब देखि प्रत्येक आइतबार मङपू बस स्ट्यान्डमा यस हाट बजार लाग्ने जानकारी गगन राईले दिएका छन | यसरी आजको उद्घाटन समारोहलाई सम्बोधन गर्दै समारोहका सभापति बिदुर कार्कीले स्थानीय मानिहरुले सुपत मुल्यमा यस हाटमा सरसमान पाउन सक्ने बताए | आज हाटबजारको पहिलो दिन भएकोले स्थानीय जनसाधारण मानिसहरुले भीडको साथमा सौदापात गरिएको देखियो | स्मरण रहोस यस भन्दा अघि मङपूमा ८०को दशकमा मात्र हाट लाग्थ्यो भने आज धेरै समयको अन्तरालमा मङपूमा फेरी आइतबारे हाट शुरु भएको छ | उक्त हाट संचालन समितिले  सम्पूर्ण मङपूबासीलाई हार्दिक स्वागत जनाएको छ | हाटमा सालुगडा,ओद्लाबारी अनि मङपूका ब्यापारीहरुले दोकान लगाएको थिए | आजको हाट उद्घाटन समरोहमा सिन्कोना बगान सहव्यवस्थापक जे.सादा,विभागीय ग्यांगम्यानवर्ग अनि शारदा उच्च बिध्यालयका प्रकाश चन्द्र राई उपस्थित थिए |