चुनाव अवधिभरि शान्त बनेको मङपु अचानक चुनाव परिणाम पछि टीएमसी पार्टीको झन्डा केही अज्ञात व्यक्तिहरुले जलाएको घटनाले अचानक अशान्त बन्न पुग्यो | हिज बिहान ९.३० बजे टी.एम.सी.समर्थकहरुले गोजामुमो पार्टी कार्यालयमा पुगी तोडफोड गरिएको घटना अघि आएको छ भने टीएमसी समर्थकहरुले गोजामुमो पार्टी कार्यालय भित्र रहेका दुई मोर्चा समर्थकहरु अदीप तामांङ अनि केवल ठकुरी माथि हमला गरेको पुलिस सुत्रद्वारा थाहा लागेको छ | जसको कारण दिनभारी नै मङपु क्षेत्र तनावपूर्ण बन्यो | टीएमसी कार्यकर्ताहरुले हातमा धारिलो हतियार रड लिएर मार्ने तरिकाले आएको जानकारी घाइते अदीप तामांङले संचारकर्मीहरुलाई बताएका छन | उक्त घटनामा मोर्चा समर्थक केवल ठकुरीलाई सामान्य चोट लागेतापनि अदीप तामांङलाई भने गम्भीर चोट लाग्नको साथै एक पट्टीको खुट्टा भाचिएको छ | घाइते अदीप तामाङलाई मङपु अस्पतालमा लगेर उपचार गरेपछि उनलाई मङपु अस्पतालबाट दार्जीलिङ अस्पतालमा उपचारको निम्ति पठाएको जान्नामा आएको छ | आज तनावपूर्ण घटना पछि हिज दिन भरि नै मङपु बजार बन्द रह्यो साथै गोजमुमो कार्यकर्ताहरुले दोषीहरुलाई झट्टै पक्राउ गर्ने मांग गर्दै दुई घण्टा सम्म मङपु थानामा जुलुस लगाए | गोजामुमोको पक्षबाट टीएमसी नेता पवन बल,शरद थापा,निलकुमार गुरुङ,यादव गुरुङ,के.एस छेत्री, मिरेंन लामा लगायत अन्य टीएमसी कार्यकर्ताहरुको नाममा पुलिसलाई प्राथामिकी दर्ता गरिएको जान्नामा आएको छ | पुलिसले दोषीहरुलाई चाडै पक्रिने आस्वासन दिएपछि मात्र मोर्चा समर्थकहरु शान्त बनेको देखियो | यसरी मोर्चा समर्थकहरुले घटनाको घोर प्रतिबाद जनाउदै साथै दोषीहरुलाई २४ घण्टा भित्र पुलिसलाई पक्रिने मांग गर्दै नालीडाड़ा देखि मङपु बजार सम्म प्रतिबाद जुलुश निकाले | घटनाभएको सुन्नसाथ मङपु आउटपोस्टमा दार्जीलिङ एडिसनल एस.पी, डी.एस.पी,अनि रङलीरङलीयट एस आइ उपस्थित रहे भने उक्त घटना पछि मङपुमा रेफ अनि सीआरपी बल तैनाथ गरिएको छ साथै घटना पछि मङपुमा सीआरपीले फ्ल्यागमार्च गरे | यस बिषयमा लाब्दा मङपु समष्टिका सभासद रतन थापाले कानुन सबैलाई बराबरी हुनुपर्ने मांग गर्दै दोषी ब्यक्तीहरुलाई पुलिसले झट्टभन्दा झट्ट पक्राऊ गर्नु पर्ने मांग गरेको छ नत्र गोजामुमोले बृहत रुपमा आन्दोलन गर्ने सभासद थापाले चेताउनी दिएको छ | अर्को तिर मोर्चा समर्थकहरुले उक्त घटना पछि आक्रोसमा आई टीएमसी नेता संजय थापाको सवारी वाहन wb76/7723.तोडफोड़ गरिएको पुलिस सुत्रले जनाएको छ | यस घटना समन्धमा मङपु टीएमसी सयोजक पवन बलले मोर्चा समर्थकहरुले टीएमसी पार्टीको झन्डा जलाएको आरोप लगाउदै यस बिषयमा मोर्चा समर्थकहरुसित आफुले केहि बुज्न चाहँदा उनीहरुले धम्की दिएको र उक्त घटना हुनु पुगेको बताए साथै उनलाई पनि गोजामुमो कार्यकर्ताहरुले हत्तापाई गरेको कारण दोषीहरुलाई पक्राउ गर्नु पर्ने मांग गर्दै मङपुमा आउटपोस्टमा गोजामुमो नेताहरु बिरुद्द प्रथामिकी दर्ता गरेको बलले बताए | टीएमसी सयोजक बलले रन्जुभेल्ली साथै बीचकमान टीएमसी कार्यकर्ताहरुलाई मोर्चा समर्थकहरुले मार्ने धम्की सम्म दिएको आरोप लगाए | पुलिसले दोषीव्यक्तिहरूलाई चाडै पक्राउ गरिने बताएको छ |