राजमार्ग ३१ ए मा बाइक ट्रकसित ठोक्किँदा एकको घटना स्थल मै मृत्यु

MUNGPOO(मंग्पू )२१ जून ,केशर मोक्तान:  सेवक थाना प्रभारी अमरेश सिंहले बताए अनुसार आज दिउँसो सिक्किमबाट सिलिगुडीतर्फ गइरहेको बाइक चालक दिपेश गुरुङ उमेर (२२) राष्ट्रिय राजमार्ग ३१ ए अँधेरी झोडामा आफ्नो बाइक WB 74P- 1195 संगै विपरित दिशा सिलिगुडीबाट आइरहेको ट्रक नम्बर WB 73A-8906 मुनि पस्दा सिक्किम जोरथांग निवासी बाइक चालकको घटना स्थल मै मृत्यु भयो | पुलिसले बताए अनुसार त्यस यामाहा बाइकका चालक दिपेश गुरुंगले आफ्नो दुई चक्के वहानलाई द्रुत गतिमा हाकेको कारण नै उक्त दुर्घटना भएको हो भन्ने आशंका गरेको छ | दुर्घटना भएको सुन्न साथ सेवक पुलिस दल घटना स्थलमा पुगी बाइक चालकको शवलाई उद्धार गरि पोस्टमार्टमको निम्ति नर्थ बंगाल मेडिकल कलेज पठाएको छ  भने त्यस ट्रक गाडीको चालक दुर्घटना भएपछि लापता भएको पुलिसले बताएको छ | दुर्घटना स्थलबाट पुलिसले बाइक साथै ट्रक दुईवटा गाडी नै आफ्नो हिरासतमा लिएको छ |