लाब्दा सी० पी० एम० एस० के० मा शिक्षक दिवस पालन

मंग्पू/६ सेप्टेम्बर/निस: दिनांक ५/०९/११ को दिन लाब्दा सी० पी० एम० एस० के० मा शिक्षक दिवस समारोह पाठशाला संचालक समिति सभापति पी० एस० राई को सभातित्वमा सम्पन्न भयो | कार्यक्रम प्रथम चरणमा मुख्य अतिथि गोजमुमो मंग्पू जोन सचिव रतन लामा अनि सभापतिको बाहुलीबाट स्वामी राधाकृष्णनको तस्वीरमा माल्यार्पण अनि दीप प्रज्वलन गरेपछि सह शिक्षक किरण पाख्रीनले स्वागत भाषण राखे | लाब्दा सी० पी० प्राथमिक पाठशालाका नानीहरुले गुरु बन्दना प्रस्तुत गरे अनि सह शिक्षक सुरेन पाख्रिनले भजन प्रस्तुत गर्दै क्रमै संग अन्य विध्यार्थीहरुबाट रंगारंग संस्कृतिक/सांगीतिक अनि कविता आदि प्रस्तुत गरे |
कार्यक्रमको प्रमुख आकर्षण अन्तर्दलीय नृत्य प्रतियोगिता संगै केही दिन अघि सम्पन्न भएको अन्तर्दलीय फूटबल/डजबल विजय प्रतियोगी दललाई मुख्य अतिथि/विशिष्ट अतिथिवर्गको बाहुलीबाट ट्राफी प्रदान गरे | कार्यक्रममा गोजमुमो खर्सांग ब्रान्च उप- सचिव प्रदीप छेत्री,लाब्दा शाखा अध्यक्ष कमल थापा,सचिव दिजेन्द्र राई, युनियन सचिव सुरेन राई,देवेन्द्र राई,भुपाल मोक्तान आदिको उपस्थिति थियो |
कार्यक्रमलाई सह- शिक्षक बी० बी० प्रधानले संचालन गरेको थियो |
कार्यक्रमको अन्तमा पाठशाला प्रधान अध्यापक (इन्चार्ज) रतन छेत्रीले सम्पूर्ण अतिथिवर्गलाई अनि विध्यार्थीवर्गलाई कार्यक्रम सफलीभूत तुलाएकोमा धन्यबाद ज्ञापन गरेपछि सभापति द्वारा कार्यक्रमको समाप्ति घोषणा गरे |