मंग्पूबाट चार जना ब्याटमिनटन खेलाडीहरु जिल्ला स्तरमा छनौट

मंग्पू क्षेत्रबाट जिल्ला स्तरीय ब्याटमिनटन प्रतियोगिताको निम्ति चार जना प्रतियोगीहरु चुनिएका छन् | गुड स्टार्ट एकाडेमीका प्रधान अध्यापक मणि कुमार छेत्रीले बताएअनुसार उक्त खेलको निम्ति चयन भएका खेलाडीहरु गुड स्टार्ट एकाडेमीबाट विवेक छेत्री , अनुराग छेत्री अनि सरस्वती उच्चतर माध्यमिक विधालयबाट अजित छेत्री र अजय छेत्री हुन् | यी खेलाडीहरुको चयन भए पछि आगमी १० दिसम्बरको दिन दार्जीलिंग जिमखानामा जिल्ला स्तरीय प्रतियोगिताको निम्ति चयन प्रक्रिया शुरु हुनेछ | बिशेष खेलाडीहरुको निम्ति उमेरललाई प्राथमिकता दिनेछ | यस खेलको निम्ति उमेर १९ वर्षदेखि कम्तिको हुनु पर्नेछ | खेलमा अंश ग्रहण गर्ने इच्छुकहरुले आफ्नो उमेर ध्यान दिनु पर्ने छ | प्रतियोगीहरु चयन भएपछि जिल्ला स्तर देखि राज्य स्तरको निम्ति तयार गरिनेछ | खेलाडीहरु राज्य स्तरमा चयन भएपछि अझ थप प्रशिक्षण दार्जीलिंग ब्याटमिनटन एसोसियशनले दिने जानकारी एम० के० छेत्रीले दिएका छन् |