कालेबुंगमा फेरि एउटा हत्या | शहरमा आतंक

कालेबुंग/डी० के० वाइबा: यहाँको आर० सी० मिन्त्री रोडमा हिज राती सोनाम ग्यात्सो उर्फ डलर(३१) नामका युवकको धारिलो हतियारले प्रहार गरी हत्या गरिएको छ | उक्त हत्याकाण्डले आज दिनभरी नै शहरमा सनसनी मच्चियो | थाना सुत्रले दिएको जानकारी अनुसार मृतक सोनाम ग्यात्सो आर० सी० मिन्त्री रोड, सुन्तले कोठी निवासी रहेका थिए | तिनी आफ्ना बोजुको साथमा बसोबासो गर्दै आइरहेका थिए | राती लकबभक ११ बजे तिनको हत्या गरिएको हुन सक्ने पुलीसले अनुमान गरेको छ | पुलिसले राती पेट्रोलिङ गरिरहेको समयमा प्राय: साढे बाह्र बजे तिनको मृतदेह अदुवा गोदाम नजिक फेला पारेको थाहा लागेको छ | पुलिस सुत्रले दिएको जानकारी अनुसार मृतक व्यक्ति ड्रग्स सेवन तथा बेचबिखान कार्यमा लिप्त रहेका थिए | सोही धन्दामा भनावैरी तथा झगडा हुँदा तिनको हत्या गरिएको हुनसक्ने पुलिसले अनुमान गरेको छ | उक्त हत्या सम्बन्धि पुलिसले भारतीय दण्ड सोहिता धारा ३०२ आइपीसी ३४ अन्तर्गत मामिला दर्ता गरेर छानबीन शुरु गरेको छ | यस सम्बन्धमा आज त्यसै रोड निवासी चेपे अनि साधु धारा निवासी डल्लु नामक व्यक्तिलाई हत्याको आशंकामा पक्राउ गरेर सोधपुछ गरिरहेको छ | जानकारी अनुसार उक्त दुई युवकहरुसित मृतक व्यक्तिको सम्बन्ध राम्रो रहेको थिएन | मृतक व्यक्तिले दुई युवकहरुलाई सधै धम्की दिने गर्थे | हिज राति पनि ती दुई युवकहरुसित भनावैरी हुँदा तीनको हत्या गरिएको हुनसक्ने पुलिसले आशंका व्यक्त गरेको छ | शंका कै आधारमा ती युवकहरुलाई पक्राउ गरेर सोधपुछ गरिरहेको अनि हत्याको जडसम्म पुग्न केही समय लाग्ने पुलिसले थप बताएको छ | यता पुलिसले उक्त मृतदेह उद्धार गरेर कालेबुंग महकुमा अस्पतालमा पोस्टमार्टम गरी परिवारलाई सुम्पियो | मृतक व्यक्तिको टाउकोमा धारिलो हतियारले प्रहार गरेको कारण गहिरो चोट लागेको थियो जसको कारण तिनको घट्न स्थल मै मृत्यु भएको थाना सुत्रले बताएको छ | उक्त हत्याकाण्डले आज शहरमा आतंकको वातावरण सृजना भएको छ | यसको साथै साधारण मानिसहरु शहरमा राती यात्रा गर्नु समेत खतरा महसुस गरेको छ |किनभने कालेबुंग शहरमा ड्रग्सखोरहरुको संख्या  दिनोदीन  बढेर गइरहेको छ | पुलिसले ती ड्रग्स खोरहरुलाई पक्राउ गरेतापनि  भएपनि केही समय पछि पुलिसको हातबाट छुटेर ती व्यक्तिहरु ड्रग्स सेवन र बेच बिखान कार्यमा लिप्त हुँदै आइरहेको छ | यधपि पुलिस प्रशासनले भने भने जस्तो कारवाही गर्न नसक्दा यस्ता ड्रग्स खोरहरुको संख्या दिनोदीन वृद्धि भइ नै रहेको छ | जुन कुराले साधारण मानिसहरुको जीवन माथि असुरक्षाको भावना सृजना भैरहेको छ |