शीतकालीन फुटबल प्रशिक्षण शिविरको समापन कार्यक्रम

मंग्पू : मंग्पू विभागीय खेलकुद  मैदान सानो चौरस्तामा मंग्पू विभागीय खेलकुद समिति र मंग्पू विभागीय फुटबल अकादमीको संयुक्त तत्वधानमा सम्पन्न शीतकालीन फुटबल प्रशिक्षण शिविरको समापन कार्यक्रम अकादमीका अध्यक्ष प्रकाश चन्द्र राईको सभापतित्वमा सम्पन्न भयो | उक्त कार्यक्रममा प्रमुख अतिथि राष्ट्रिय खेलाडी डिगेल लेप्चा साथै विशिष्ट अतिथिगण डा० जी० सी० सुब्बा निर्देशक सिन्कोना , रतन थापा संयोजक मंग्पू लाठ पन्चर समष्टि तथा केन्द्रिय संगठनिक सचिव , निमछिरिंग भोटिया, निमा तामांग, धेन्दुप भोटिया, हेम कुमार राई ब्लुम फिल्ड अकादमीका सचिव कोच सोनाम वान्ग्दी भोटिया कालेबुंग, लाक्पा शेर्पा, भाष्कर थापा उपस्थित थिए | 

कार्यक्रमको आरम्भमा सम्पूर्ण अतिथिहरुलाई स्वागत संभाषण अकादमीको सचिव किशोर थापाले राखे भने उक्त दिन कलेबुंगको अकादमी द्वारा प्रशिक्षनार्थी तथा मंग्पूको प्रशिक्षनार्थीहरु माझ खेल सम्पन्न भयो | खेल अन्डर १३ र अन्डर १७का नानीहरु माझ तीन म्याच सम्पन्न भयो जसमा दुवै पक्षको रोमान्चक खेल बराबरी रह्यो | कार्यक्रमको अर्को मुख्य आकर्षण ब्लुम फिल्ड फुटबल अकादमी दार्जीलिंग बनाम कालेबुंग फुटबल अकादमी माझ प्रदर्शनी खेला सम्पन्न भयो | उक्त कार्यक्रममा सबै वर्गका प्रशिक्षित नानीहरुलाई प्रमुख अतिथिहरुले सर्टिफिकेट एवम ट्रफी प्रदान गरियो | शिविरमा नानीहरुलाई आफ्नो खर्चमा अमुल्य समय प्रदान गरी प्रशिक्षण दिएकोमा मंग्पू फुटबल अकादमी तथा मंग्पू विभागीय फुटबल समितिले कृतज्ञता प्रकट गर्दै सम्पूर्ण मंग्पू विभागको पक्षमा प्रकाश चन्द्र राई, किशोर थापा, अजय राई, निमा फिपनको बाहुलीबाट सोनाम वान्ग्दी भोटिया, धेन्दुप भोटिया, लाक्पा शेर्पा, भाष्कर थापालाई मोमेन्टो प्रदान गरियो |