विजय राई अनि प्रसनजित दास वाहन चोरहरुबाट गाड़ी चोर्ने गिरोहको पर्दफास हुने संकेत

मङपू:२५ अगस्ट(केशर मोक्तान):  शुक्रबार पुलिसको पन्जामा परेका वाहन चोरहरु विजय राई अनि प्रसनजित दासबाट गाड़ी चोर्ने गिरोहको पर्दफास हुने संकेत देखा परेको छ|हिज रम्बी पुलिसले अदालतबाट सातदिनको रिमाण्डमा ल्यएका ती दुई चोरहरुबाट आसम लगायत उत्तरपूर्वीय क्षेत्रमा  गाड़ी बेच बिखान गर्ने गिरोहको निक्कै ठूलो पर्दफास हुने छाट देखा परेको पुलिसले जनाएको छ|गत बिहिबार रात कालिम्पोंग अनि लोहापूलबाट एक्कै चोटी दुई वटा वाहन (W.B 73.B.6352)पिकअप वाहन अनि(W.B.74 Q.2801)एस.एल.एक्स बोलेरो वाहन चोर्ने गुटलाई रम्बी पुलिस दल अनि बिरपाड़ा पुलिसको सक्रियतामा पक्रिन सफल भएको छ|पिकअप वाहन चोर्ने दुई चोर नक्सलबारी हातिघिसा निवासी विजय राई अनि पक्रिगुडी उतरपाड़ा कुमारग्राम निवासी प्रसनजित दासलाई पुलिसले पक्रन सफल भएता पनि लोहापूलबाट बोलेर गाड़ी चोर्ने गिरोहलाई पुलिसले खोज तलाश जारी राखेको छ|बिशेष सुत्रबाट थाहा लागे अनुसार ती वाहन चोर्ने गिरोहका मुखिया भने राज्यको सिमानामा बसेर उत्तरपुर्बीय राज्यहरुमा वाहन बेच बिखन गर्ने गरेको थाहा लागेको छ|ती वाहन चोर्ने चोरहरुको तस्करहरुसित  पहिल्यै देखि नै साठगाठ हुनु सक्ने पुलिसले शंका गरेको छ|पक्रा पर्ने ती चोरहरुले पहिल्यैबाट पनि वाहनहरु विभिन्न क्षेत्रबाट चोरेको हुन्सक्ने सुत्रद्वरा  थाहा लागेको छ|पुलिसले यस सम्बन्धमा आरोपी बिरुद्ध आई.पी.सी.को धारा ३७१ अन्तर्गत चोरीको मुद्धा दर्ता गरेर जाच कार्य शुरु गरेको छ|स्मरण रहोश पहाड़ी क्षेत्रमा वाहन चोर्ने गिरोहहरुको रगरगी दिन प्रतिदिन बड़ी रहेको छ भने पुलिसले यस दिशातर्फ गम्बीरपूर्बक ध्यान दिएर चोरहरुलाई कड़ा सजाय दिलाउन पर्ने नितान्त आवश्यक रहेको ठान्छन् स्थानीय जनता|बिशेष: बाहिरबाट यता आगमन हुने अपरिचित व्यक्तिहरुले नै यस्त धन्दामा लिप्त रहने भएको हुनाले  अपरिचित व्यक्तिहरुलाई  आफ्नो घरमा झट्टै बास दिन अगड़ी एकपल्ट जाचबुझ गर्न नितान्त आवश्यक रहने देखिन्छ|