सडक दुर्घटनामा एकको मृत्यु दुईजना गम्भिर घाईते

कालेबुङ 27 अगस्त।डी० के०  आज राती लगभग साढे एक बाजेतिर भएको सडक दुर्घटनामा यहाँको पेदोङ सन्त जर्ज हाईस्कूलका शिक्षक तार्केस्वर प्रसाद गुप्त (55) को घटना स्थलमा नै मृत्यु भएको छ। जानकारी अनुसार तिनी पेदोङबाट आफ्नो WB 74 X - 9920 वेगनर वाहनमा सवार भएर सिलगडी जाने क्रममा उक्त दुर्घटना भएको हो। दुर्घटनामा तार्केस्वर गुप्तको मृत्यु भएको छ भने तिनी संगै वाहनमा रहेका अशोक गुप्ता अनि बिजय गुप्ता गम्भिर घाईते भएका छन। दुर्घटनामा परेर मृत्यु भएका गुप्त आफ्ना छोरा बिजय गुप्त अनि भाई अशोक गुप्त संग सिलगडी गईरहेको समयमा यहाँको 17 माईलमा वाहन सडकबाट लकभक 20 फूट तल झरेर दुर्घटना ग्रस्त भएको छ। उक्त वाहन सडक छोडेर सिधै कमल थापाको आँगनमा पुगेको छ भने घरको आँगनमा सुरक्षा देवलमा ठोक्किन पुगेको थियो। दुर्घटना भएको थाह पाउँन साथ उनीहरुलाई स्थानीय मानिसहरुको सहयोगमा अस्पताल ल्याउँने कार्य गर्दा बाटोमा नै तार्केस्वर प्रसाद गुप्तको मृत्यु भएको थाह लागेको छ। दुर्घटनामा परेर घाईते भएकाहरुलाई भएको यहाँको अस्पतालमा भर्ना गरिएको छ भने एकजनाको अवस्था चिन्ताजनक रहेको थाहा लागेको छ। दुर्घटनामा पारेर बिद्यालयका शिक्षकको मृत्यु भएपछि सन्त जर्ज पेदोङ बिद्यालयमा शोकको लहर छएको छ।