मङपुमा फूलपाती शोभायात्रा साथै अरुणा लामाको सालिग़ अनावरण गरिने

मङपु६अक्टोबर(केशर मोक्तान) 

आज स्थानीय रोई बंगलोमा फूलपाती शोभायात्राको निम्ति समिति गठन गरियो जसमा सभापति किरण पाख्रिन अनि सचिव बिशोर कार्कीलाई चयन गरियो उक्त फूलपाती संस्कृतिक शोभायात्रा उपसमितिको तत्वाधानमा प्रत्यक बर्ष  झैँ यस बर्ष पनि मङपुमा  आगामी ११ अक्टोबरको दिन बिराठ रुपमा फूलपाती शोभायात्रा निकाल्ने भएको छ | उक्त दिन सांस्कृतिक झाकीहरु,साथै लोक नित्य अनि मारुनी नित्य प्रस्तुत हुने छ | त्यस फूलपाती शोभायात्रामा सबैले आआफ्नो सांस्कृतिक भेषभुषा लगाएर आइदिने आयोजक समितिले अपील गरेका छन | आजको सभामा मोर्चा मङपु जोन सचिव रतन लामा अनि सभापति प्रदीप छेत्री पनि उपस्थित थिए | त्यस दिन नै अरुणा लामा सालिग़ निर्माण समितिको आयोजनामा मङपुमा स्वर सम्रागी अरुणा लामाको सालिग़ अनावरण अनि संगीतकार  शरण प्रधानको स्मृतिमा  शरण उधानको औपचारिक घोषणा साथै उद्घाटन गरिने जानकारी सालिग़ निर्माण समितिका सभापति सुरेन्द्र थीङले बताएका छन |