मङपु युनाइटेड अनि दार्जीलिंङ पुलिस सेमीफाईनलमा प्रवेश

मङपु२९अक्टोबर(केशर मोक्तान): मङपु युथ बोइज क्लबको तत्वधानमा  स्थानीय जनमैदानमा सम्पन्न  भईरहेको लातेभकुण्डो प्रतियोगिताको  दोश्रो क्वाटर फाईनल खेलको  प्रथम म्याचमा  मङपु युनाइटेडले  आर.बी.सी.लाई चार गोल दिएर सेमीफाईनल प्रवेश गरे | आज नै सम्पन्न भएको दोश्रो खेलमा दार्जीलिङ पुलिस अनि टागे फरेस्ट बस्ती रम्बी माझ आकर्षक खेल जम्यो | ९० मिनटको निर्धारित खेलमा दुई दलले २-२ गोल गरि म्याच बराबरीमा रह्यो भने अन्त्यमा ट्राइबेकरको सहायतामा विजय हासिल गरि दार्जीलिङ पुलिस सेमिफाईनल पुग्न सफल रह्यो | यसरी आगामी ३१ अक्टोबरको दिन पहिलो सेमिफाइनल खेल रन्जुभेल्ली बनाम  मङपु युनाइटेड अनि दोश्रो सेमिफाइनल खेल १ नोभेम्बर१३ को दिन कलिझोड़ा ११ बनाम दार्जीलिंङ पुलिस माझ भीडन्त हुनेछ | उक्त फूटबल प्रतियोगीताको फाइनल खेल आगामी ८ नोभेम्बरको दिन हुने भएकोले आयोजक समिति सबै सबैलाई खेलप्रेमीहरुलाई हार्दिक स्वागत गर्दछ |