मङपुमा टी.एम.सी. विस्तार क्रम जारी

मङपु,केशर मोक्तान:  मङपुमा राज्यको सत्तारुड़ पार्टी तृणमुल कंग्रेसले झन्डा गाडेको केहि दिनमा नै पार्टी विस्तार गर्ने क्रम जारी रहेको देखिन्छ | पार्टी गठन भएको केहि दिन भित्रमा नै हिज यहाको मङपु बिभाग चौरस्तामा हिल तृणमुलक नेताहरुलाई लिएर एक जन सभा सम्पन्न भयो | उक्त सभामा नेताहरुले पहाडमा जी.टी.ए. मार्फत पहाडको विकास गर्ने साथै तृणमुल ट्रेड युनियनका  नेताहरुले सिन्कोना बगानको बिकाश गर्ने कुरो जनाए | आज पनि मङपुको बिभिन्न ठाउमा तृणमुल पार्टीको विस्तार साथै शाखाहरु गठन भएको जानकारी मङपु जोन पार्टी सयोजक पावन बल जनाए | आज स्थानीय राजमान धुरामा बिष्णुधोज राईको बासगृहमा मङपु बिभाग शाखा सभापति बहादुर सिहको अध्यक्षतामा एक सभा सम्पन्न भयो | सभामा स्थानीय गाउँबासीको उपस्थितिमा प्रशाखा गठन गरियो | सभामा नेताहरुले  टी.एम.सी.मार्फत  पहाडमा बिकाश गर्ने कुरो जनाए | सभामा तृणमुल प्रशाखा गठन  गरियो जसको सभापति मनीष राई,उपसभापति रुपेन्द्र मंगर सचिव सजन मंगर सहसचिव पासांङ तामांङ कोषाध्यक्ष प्रकाश सुब्बा लगायत ३० जनालाई कार्यकारिणी सदश्यको रुपमा चयन गरियो | लाब्दा मङपु समष्टिमा कुनै पार्टी सित प्रतिसोध लिनु होइन तर यस क्षेत्रमा बिकाश गर्नको निम्ति टी.एम.सी.गठन गरिएको जानकारी तृणमुल पार्टी समष्टि सयोजक पवन बलले बताए | पार्टी विस्तार गर्नको निम्ति मङपु शाखाबाट बहादुर सिह गुरुङ,रेसेप शाखाबाट उर्गेन तामांङ,रम्बी बीचकमान शाखाबाट एड्वार्ट लेप्चा अनि सिम्ले शाखाबाट अर्पण थापालाई दायित्व  सुम्पेको कुरो सयोजक बलले जनाए | यसरी भोलि रेसेप अनि सिम्लेमा पनि शाखा गठन गर्ने कुरो सयोजकले बताए |