कालेबुङ बिधुत बिभागले फेरी तीन दिन बत्ती काट्ने

बर्खा मौसम शुरु हुन् अघि नै बिधुतलाई सहि प्रकारले उपभोक्ता समक्ष दिलाउन कालेबुङ बिधुत बिभागले हालमा चारैतिर बिधुत मर्मत गर्ने कार्य गरिरहेको जान्नमा आएको छ भने  आगामी २ ,३ अनि ४ जुनको दिन फेरी कालेबुङ बिधुत बिभागले  तीन दिन मङपु लगायत संग्लग्न  क्षेत्रहरुमा बिधुत काटिने जानकारी दिएको छ |  उक्त दिन टिस्टाबजार लगायत राजमार्ग ३१ए क्षेत्रमा बिधुतको पोलहरुको मर्मती कार्य अनि साफ सफाई कार्य बिधुत विभागले गर्ने तय भएको हुनाले बिहान ८ बजे देखि ४ बजे बेलुकी सम्म आठ घण्टा तीन दिननै बत्ती काटिने जानकारी कालेबुंङ बिधुत बिभागका अधिकारी (ए.ई.) प्रभासिका राईले जानकारी दिएका छन | उक्त बिधुत मर्मतीको कार्य टिस्टा फिटर अन्तर्गत हुने भएको राजमार्ग३१ए टिस्टाबजार,२९माइल,रम्बी,लोहापुल,सुन्तले,बिरीक लगायत मङपु,सिटोंङ,लाटपन्चर,लंकु अनि संग्लग्न क्षेत्रहरुमा तीन दिन नै आठ घण्टा निम्ति बिधुत सर्बरहरा ठप्प रहने भएको छ |