दशैँ - दिवाली अघि सोमबारदेखि नालीडांडा बजार खुल्ला रहने

अघितिर आइरहेको बिजया दशमी तथा दिपावलीलाई मध्यनजर राख्दै संधै सोमबारको दिन बन्द रहने नालीडांडा बजार खुल्ला आगमी सोमबारदेखि रहने निर्णय नालीडांडा ब्यापारी संगठनले लिएको छ | सम्बन्धित विभागको नियम अनुसार सप्ताहमा एक दिन पूर्ण बजार बन्द गरिदिनु पर्ने नियम छ भने संगठनले वर्षको मुख्य सिजनहरुमा यसरी नै ग्राहकहरुको सुविधालाई हेरेर केही हप्ताह सोमबार पनि बजार खुल्ला राख्ने गरेको छ | यसैकारण आगमी सोमबार २६ सेप्टेम्बरदेखि नोभेम्बर १४ तारिखसम्म नालीडांडा ब्यापारी संगठनले नालीडांडाको पसलहरु लगातार खुल्ला राख्ने निर्णय लिएको छ | त्यसर्थ सम्पूर्ण जनसाधारणको सुविधाको निम्ति संगठनका प्रत्येक सदस्यले आउँदो सोमबारदेखि आ- आफ्नो पसल खुल्ला राखिदिने सुचना तथा अनुरोध गरेको छ भनी नालीडांडा ब्यापारी संगठन सचिव बुद्ध कुमार थापाले सबैलाई पत्रचार गरेको जानकारी दिएको छ ||