मंग्पूबाट बोलेरो गाडी चोरी

Mungpoo(मंग्पू )२३ मई,केशर मोक्तान : मंग्पू पुलिसले बताए अनुसार यहाको सिकसिन (रेशेप फरेस्ट ) बस्तीबाट शनिबार २१ मई राती नम्बर : SK 01 ५९१२ एस० एल० एक्स बोलेरो गाडी चोरी भएको छ | उक्त गाडीको मालिक पुर्व सिक्किम निम्बी बस्ती निवासी निमछिरिंग शेर्पा  रहेको पुलिसले बताएको छ | गाडी मालिक निमछिरिंग शेर्पाको ससुराली घर मंग्पू  सिकसिन बस्ती रहेको हुनाले उनी आफ्नो ससुराली घरमा आएर बसेको रात नै त्यस ठाउँबाट गाडी चोर्ने गिरोहले आफ्नो जाबा फुस्रो रंगको बोलेरो गाडी चोरी गरेर लागेको थाहा लागेको छ | केहि महिना अघि मंग्पूबाट दुईबाट - नया पल्सर बाइक चोरी भएको थियो भने आज फेरी यस ठाउँबाट बोलेरो गाडी चोरी भएकोले सम्पूर्ण गाडी तथा बाईक मालिकहरु सचेत भएर बस्ने समय आएको छ | 

यसरी घरि घरि बाईक - गाडी चोरी भएकोले पुलिस प्रशासनले पनि यस दिशातर्फ ध्यान दिन नितान्त आवश्यक देखिन्छ | त्यति मात्र नभएर पी० डब्ल्यु० मंग्पू  स्टेट हाइ वे  रोडमा सिन्कोना बगानको पनि तीनवटा चेक पोस्ट छ यसर्थ यस चेक पोस्टको चौकीदारबर्गले पनि राति हिड्ने बाईक तथा गाडीहरुको नम्बर नोट गरेर जाच गरे असल  हुने थियो अनि यस्तो चोरी हुनबाट केहि मात्रामा भए पनि लगाम लगाउन सकिन्थ्यो कि भन्ने स्थानीय जनताको भनाइ छ | पुलिसले ती गाडी चोर्ने गिरोह र गाडीको खोज तलाश आज सम्म गरेता पनि कहिँ कतै ती गिरोहहरुलाई पक्राउ गर्न सकेको छैन | यसरी बाईक तथा गाडी मालिकवर्गले आफ्नो यान-वहान ग्यारेज बनाएर राखे मात्र सुरक्षित रहने तथा चोरहरुले सजिलै चोरेर लैजान नसक्ने देखिन्छ |