Kasturi M.S.K. Mungpoo Celebrates Schools' Annual Function

मंग्पू/केशर मोक्तान : आज स्थानीय मंग्पू कस्तुरी एमएसके मा वार्षिक उत्सव कार्यक्रम गणेश मित्रको अध्यक्षतामा सम्पन्न भयो | समारोहमा प्रमुख अतिथिहरुमा किशन बुडाथोकी , पद्मे मिश्र, बी० बी० थापा लगायत अन्य गन्य-मान्यको उपस्थिति थियो | कार्यक्रममा विधार्थीहरुले रोचक नृत्य,गीत, कविता आदि प्रस्तुत गरे | शिक्षक दिपेन राई द्वारा संचालित वाकपटुता प्रतियोगिताको निर्णायक विधालय कै शिक्षकहरु थिए भने प्रतियोगितामा प्रथम जितेंन तामांग (नवम श्रेणी) दोश्रो शिल्पा छेत्री ( आठौ श्रेणी) तेश्रो उज्ज्वल छेत्री (पाचौ श्रेणी) लगायत सबै प्रतियोगीहरुलाई पदमे मिश्रको बाहुलीबाट पुरस्कार वितरण गरियो | यसै कार्यक्रममा गतवर्ष पाचौ देखि दशौ श्रेणीमा प्रथम , दोश्रो अनि तेश्रो लगायत असल आचरण,उपस्थिति, वर्षे भरि साफ - सफाई भइ आउने विधार्थीहरुलाई गणेश मिश्रको बाहुलीबाट पुरस्कार प्रदान गरियो |यस वर्ष भलिबल खेलको चुडान्त खेलमा बिजय अनि पराजय बालक- बालिका दुवै दललाई किशन बुदाथोकीको बाहुलीबाट मेडल साथै प्रमाण पत्र प्रदान गरियो | वक्तब्यको क्रममा शिक्षक हर्क राईले विधालयको आगमी वर्षको शैषिक सत्रको परिकल्पना बारे जानकारी गराए भने सभापति गणेश मिश्र अनि अतिथि किशन बुडाथोकीले विधार्थी अभिभावक साथै शिक्षकले आ- आफ्नो भूमिका पालन गर्नुपर्ने विषय माथि जोड दिए |शिक्षक दिलिप शर्मा द्वारा संचालित यस कार्यक्रमको स्वागत भाषण शिक्षक श्याम सिन्गौरेले राखे भने धन्यबाद ज्ञापन शिक्षिका उमा भुजेलले राखिन |