मोर्चा रेशेप शाखाको सभा सम्पन्न

मंग्पू | केशर मोक्तान: आज स्थानीय दिपक प्रा० पाठशाला भवनमा गोजमुमो रेशेप् शाखाको कार्यकारिणी सभा पार्टीका सभापति रुपक थापाको अध्यक्षतामा सम्पन्न भयो | सभामा सम्पूर्ण भात्रीसंगठनका सभापति / सचिव लगायत मंग्पू जोन पार्टी प्रवक्ता दिपक भारती, सल्लाहकार एल० बी० लकान्द्री र एम० बी० खवासको बिशेष उपस्थितिमा सम्पन्न भयो | रेशेप शाखा पार्टी सचिव अनिल छेत्रीले संचालन गरेको त्यस सभाको शुरुमा शाखा पार्टीका एक कर्मठ कार्यकर्ता लाक्पा शेर्पाको आकस्मिक निधन भएकोमा उनको स्मरणमा शोक समवेदना प्रकट गर्दै दुई मिनटको मौन धारण गरियो | शाखालाई संगठानिक शक्ति प्रदान गर्नको निम्ति पार्टी अनि भात्री संगठनले सक्रिय भूमिका निर्वाह गर्न पर्ने कुरो पार्टी प्रवक्ताले सभामा सबैलाई अव्गात गराए | आगमी दिनहरुमा वार्ड - वार्डमा सभा गरी वार्डभित्रका समस्याहरुलाई प्रकाशमा ल्याउने कुराहरु बताउँदै  वार्ड भित्रका संगठानिक एकतालाई अझ सशक्त अनि दह्रिलो बनाउने कुरा माथि शाखा अध्यक्षले जोर दिए | सम्बोदानको क्रममा रेशेप शाखा सह सचिव असिम शर्मा, गोकुल रुचाल मंग्पू जोन पार्टी प्रवक्ता दिपक भारती, दार्जीलिंग तराई डुवर्स प्लानटेशन लेबर युनियन रेशेप शाखा सचिव संजीव देवान युवा मोर्चा रेशेप शाखा सचिव अमृत खड्का र नारी मोर्चा सभानेत्री शकुन मुखियाले आ - आफ्नो संभाषण राखे |