अस्थायी कर्मचारी संगठन तक्दाह ब्लक कमिटिले टिस्टाभेल्ली रंगशालामा ४ जना सभाशदहरुलाई सम्बर्धना जनाउने

तक्दाह: जनमुक्ति अस्थायी कर्मचारी संगठन तक्दाह ब्लक कमिटिको आयोजनामा विविध कार्यक्रमबीच ४ जना सभाशदहरुलाई संवर्धना जनाउने भएको छ | तक्दाह – टिस्टाभेली समष्टि, तक्दाह ग्लेनवर्ण समष्टि औ तक्लिंग पेशोक समष्टिको तमाम अस्थायी कर्मचारीहरु द्वारा आयोजित उक्त कार्यक्रममा नर्बुजी लामा, रमेश लामा, संजय थुलुंग अनि शान्ति थापालाई सम्बर्धना जनाउने कुरा भएको छ भने डान्स इन्डिया डान्सका बाल कलाकारहरु उर्गेन लामा अनि वाङदी योन्जन लगायत चर्चित कलाकारहरु सगर बल अनि किरण वाइबाले आफ्नो गायन प्रस्तुत गर्ने कुरा ब्लक कमिटि सभापति सुवोध योन्जनले जनाएका छन् |
टिस्टाभेल्ली रंगशाला भवनमा आगमी १५ सितम्बरको दिन सम्पन्न हुने उक्त कार्यक्रममा तिनैवटा समष्टिका अस्थायी कर्मचारीवर्गलाई स्वागत जनाएको कुरा सचिव मनोज लामाले बताउँदै संगठनलाई अझ बल प्रदान गर्न सबैलाई दायित्व वोध गर्ने अनुरोध गरेका छन् | सबै ठाउँमा सम्बर्धना कार्यक्रमको आयोजना गर्ने क्रम जारी राख्न मात्रै होइन उक्त दिन निर्वाचित सदश्यवर्गबाट भावी कार्यक्रमहरुको रुपरेखा बुझ्न पनि यस कार्यक्रमको उदेश्य रहेको छ |