भोलिदेखि मंग्पूमा फूटबल प्रशिक्षण शुरु

मंग्पू | केशर मोक्तान: भोलि २० दिसम्बर २०१२ देखि स्थानीय जन मैदानमा फूटबल अकादमी अनि मोहन बगान सेलको संयुक्त आयोजनामा स्थानीय खेलाडीहरुलाई लिएर फूटबल प्रशिक्षण शिविर आरम्भ हुने जानकारी आयोजक समितिका संयोजक प्रदीप छेत्रीले दिएका छन् | उक्त समारोहका प्रमुख अतिथिको रुपमा जीटीए वन विभागका भार प्राप्त सभासद रतन थापा, विशिष्ट अतिथिहरु डा० जी० सी० सुब्बा सिन्कोना बगान निर्देशक अनि श्याम लामा टेक्निकल मेम्बर मोहन बगान सेल अकादमी उपस्थित रहने भएको छ | स्थानीय फूटबल खेलाडीहरुलाई खेल प्रति उचित मार्ग देखाउन अनि फूटबल खेल प्रति चासो बढाउन नै यस प्रकारको प्रशिक्षण शिविरको आयोजन गरिएको जानकारी संयोजक छेत्रीले दिएका छन् | 

स्मरण रहोस् मंग्पू फूटबल अकादमीको प्रयासमा केहि दिन अघि मात्र मंग्पूका यूवा खेलाडी नसीब तामांग मोहन बगान सेलमा फूटबल प्रशिक्षण लिन हालमा कोलकातामा पुगिसकेका छन् भने अन्य थुप्रै नसीबहरु मंग्पूबाट जन्माउनको निम्ति नै भोलि देखि स्थानीय जनमैदानमा मंग्पू फूटबल अकादमीले यस प्रकारको फुटबल प्रशिक्षण आयोजन गरिएको आयोजक प्रभारी भूपाल मोक्तान बताउछन् |