दक्षिण सिक्किमका गाडी चोर भाईचुङ भुटिया र साथीहरु रम्बी सुन्तलेमा पक्राउ

चोरले लिएर आएको अल्टो कार

मङपु९मार्च(केशर मोक्तान) : रम्बी रयांङ पुलिस सुत्रले बताए अनुसार आज राती वाहन चोरहरुलाई पक्राऊ गरि राजमार्ग ३१ए सुन्तलेका गाउँलेहरुले रम्बी पुलिसलाई सुम्पिएको छ | उक्त गाडी चोर्ने गिरोहले  आज राती सम्भवत २ बजे तिर राजमार्ग ३१ए सुन्तले निवासी नरेन कुमार तामांङ अल्टो गाडी नम्बर wb74p.2798 चोर्न लाग्दा वाहन मालिकले ती चोरहरुलाई खेदेर पक्राऊ गर्न सफल भएको छ र  ती चोरहरुले गाडी मालिक नरेन कुमार तामांङलाई हिर्काउदा  उनलाई सामान्य रुपमा चोट लागेको छ | गाडी चोरहरु आएको सुनेर स्थानीय गाउँलेहरुले ती चोरहरुलाई पक्राउ गरि रम्बी थानामा सुम्पिएको  थाहा लागेको छ | गाडी चोर्ने ती तीन चोरहरु दक्षिण  सिक्किम निवासी रहेको छ जसको नाम भाईचुङ भुटिया,दयाराम शर्मा,अनि बिकाश शाहा रहेको छ | ती गाडी चोर्ने तिनै जना चोरहरुले SK.01p 1057 रातो अल्टो लिएर आएका थिए भने त्यस सिक्किम नम्बरको अल्टो पनि चोरेको हुनसक्ने पुलिसले शंका व्यक्त गरेको छ | आज ती तिनै जना गाडी चोरहरुलाई रम्बी पुलिसले आईपीसी धारा ३९३ दिएर कालेबुङ अदालतमा पेश गरियो भने तीमध्ये एक जना चोरलाई दुई दिनको पुलिस रिमाण्डमा लेहिएको रम्बी पुलिस सुत्रले बताएको छ |