लाब्दा गुम्बामा बुद्ध जयन्तीको दिन खियो रिगजिन रिम्पोछेद्वारा अभिषेक वितरण गरिने

गत बर्ष झैँ यस बर्ष पनि लाब्दा बिभाग दोङाग छोइलिंङ सार्बजनिक बौद्ध गुम्बामा भगवान बुद्धको २५५८वा बुद्ध जयन्ती भब्यरुपले पालन गर्ने भएको छ | स्थानीय गुम्बामा आगामी १० मई देखि दोलछ्याक पूजा अनि दोमांङ पाठ सम्पन्न हुनेछ भने आगामी १२ मईको दिन हिमाचलबाट स्थानीय गुम्बामा  धर्मगरू खियो रिगजिन छिन्मो रिम्पोछेको आगमन हुनेछ | यसरी लगातार चार दिनको पूजा पछि १४मई बैशाख पुर्णिमा बुद्ध जयन्तीको खियो रिगजिन छिन्मो रिम्पोछेद्वारा भक्तजनहरुलाई आशिर्वाद साथै अभिषेक वितरण गर्नेछन | त्यसै दिन दोङाग छोइलिंङ सार्बजनिक बौद्ध गुम्बाका मूलसंरक्षक तथा समाजसेवी एवं योगसाधक टी.लाचुङपा द्वारा स्वास्थ्य सम्बन्धी स्थानीय जनतालाई वार्ता प्रस्तुत गर्ने भएको छ | उक्त चारदिने धार्मिक अनुष्ठानमा गुम्बाका  पुजा आयोजक समिति सबै सबैलाई भक्तजनहरुलाई हार्दिक स्वागत गरेका छन |