मंगल सिंह स्मृति च्यालेन्ज क्रिकेट खेलाको फाइनल

मंग्पू | केशर मोक्तान: शनिबारको दिन लाब्दा बस्ती खेल मैदानमा सम्पन्न भएको क्रिकेट प्रतियोगिताको फाइनल खेलमा विजय बनेर फिनिसिंग नाइनले मंगल सिंह स्मृति च्यालेन्ज कप हत्याउन सफल बनेको छ | लाब्दा बस्ती मोर्चा शाखा अध्यक्ष प्रहलाद राईको अध्यक्षतामा सम्पन्न भएको खेलामा टस जितेर ब्याटिंग गर्ने निर्णय लिंदै बी० फाइब अप्पर माम्रिंगले १७ ओभरमा ८९ रन मात्र बनाउन सके भने फिनिसिंग नाइनका खेलाडीहरुले उक्त लक्ष्यलाई १३ ओभरमा नै सजिलै पार गरेर विजय हाशिल गरे| उक्त क्रिकेट फाइनल खेलमा विजय हुने दललाई नगद राशी संगै ट्रफी पनि कार्यक्रमका प्रमुख अतिथि एवम मंग्पू जोन मोर्चा अध्यक्ष प्रदीप छेत्रीको बाहुलीबाट पुरस्कार हस्तान्तरण गरियो | उक्त खेलमा म्यान अफ द म्याच फिनिसिंग नाइनका खेलाडी सोनु राईलाई चयन गरियो भने म्यान ओफ द सिरिज अनन्त तामांग बी फाइबका खेलाडी अनि बेस्ट टिम बरबोटे दार्जीलिंगलाई चयन गरियो | उक्त क्रिकेट फाइनल खेलको निर्णायकहरु आनन्द राई र दिनेश मुखियाले गरेका थिए |