गोर्खाल्याण्डको माग गर्दै मङपुमा पनि मोर्चाको राँके जुलुस

मङपु०५फरवरी(केशर मोक्तान) : छुट्टै  राज्य गोर्खाल्याण्ड मांगमा मोर्चाले फेरी दोस्रो चरणको  आन्दोलन शुरु गरेको छ | अलग  राज्य गोर्खाल्याण्डको  मांग गर्दे गोजामुमो लाब्दा मङपु समष्टिमा पार्टी कार्यकर्ताहरुले  आज साँझ पख बिशाल राँके जुलुस निकाले | उक्त जुलुसमा समष्टि सभासद रतन थापा,मोर्चा मङपु जोन सभापति प्रदीप छेत्री,सचिव रतन लामा,नारी मोर्चा सचिवा सूर्यमणि राई लगायत युवा मोर्चा,नारी मोर्चा,लगायत मोर्चाका भातृसंगठन का सम्पूर्ण पार्टी कार्यकर्ता व्यापक रुपमा उपस्थित रहेका थिए |राँके जुलुसमा सहभागीहरुले हातमा पुल्ठो बोकेर अलग राज्य गोर्खाल्याण्डको मांगमा नाराबाजी गर्यो | मङपु बस बिस्वानीबाट सुरू गरिएको उक्त राँके जुलुस रैल्लीले मङपु वजार परिक्रमा गरि नालीडाड़ा आई पथ सभामा परिणत भयो |
अर्कोतिर सोमबार साँझ पख राजमार्ग ३१ए रम्बी बजारमा गोजामुमो रम्बी र रियांग साखाको सयुक्त तत्वधनमा मोर्चा समर्थकहरुले राँके जुलुस निकाले/पार्टी कार्यलयबाट शुरु गरिएको उक्त जुलुसले रम्बी वजार परिक्रमा गरे |  उक्त जुलुसमा मोर्चा नेतृत्व मनभरण सिंह,नर्बु लामा ,अर्जुन तामांग, जीतेन छेत्री,सागर हिंगमांग राजेन मुख्या लगायत अन्य पार्टी कार्यकर्ता उपस्थित रहेका थिए|