एनवाइसी सेभोकलाई परास्त गर्दै मगरजोङ एफसी सेमीफाइनलमा

सिम्ले युनाइटेड बोइज क्लबको तत्वधानमा मङपु विभागीय जन मैदानमा सम्पन्न भइरहेको स्वर्गीय निरुकला तामांग स्मृति ट्रफी नक आउट फूटबल टुर्नामेन्टको दोश्रो क्वाटर फाइनल म्याच सम्पन्न भएको छ | अपार दैर्शकहरुले भरिएको जन मैदानमा मगरजोङ एफसीले एनवाइसी सेभोकको सामना गर्न परेको थियो | शुरुदेखि नै दर्शकहरुको मन जित्ने होडमा दुवै दलले कुनै कसर बाँकी राखेनन् | सिलिगुडीका नामी खेलाडीहरु लिएर उत्रेको एनवाइसी सेभोकले मगरजोङ एफसीलाई ह्याकुलाले मिच्ने सपना देखे पनि नेपालका लडाकु खेलाडीहरु साथ मैदानमा उत्रेका मगरजुङ एफसीले एनवाइसी सेभोकको सपना चकनाचुर पारेका थिए | दुवै टीमले बारबार आक्रमक प्रहार विपक्षीको गोल पोस्टमा गरे पनि एनवाइसीको भाग्य उदाउन सकेन | फलत: निर्धारित समायावधि भित्र मगरजुङ एफसीले दुई गोल गरिसक्दा एनवाइसीले केवल एक गोल सुलाउन मात्र भ्याए | यसरी निर्णायकले एक गोलको बिरुद्ध दुई गोल गर्ने मगरजुङ एफसीलाई आजको बिजय दल घोषित गर्दै सेमीफाइनलको टिकट दिएको छ | अब एकैचोटि २१ जनवरीको दिन सेमीफाइनलमा पेदोङले तकलिङ एफसीको सामना गर्नुपर्ने छ भने मगरजोङले प्रशान्ति ग्रामको चुनौतीलाई स्विकार्नु पर्नेछ | सिम्ले युनाइटेड बोइज क्लब द्वारा चलिरहेको यस स्वर्गीय निरुकला तामांग स्मृति ट्रफीको चुडान्त खेल आगमी २६ जनवरी गणतन्त्र दिवसको दिन सम्पन्न हुनेछ भने बिहानको १०:३० बजे उसो स्थानीय कलाकारहरु द्वारा सांगीतिक कार्यक्रम गर्दै फाइनल खेलको शुभआरम्भ गर्ने जानकारी आयोजक समितिको पक्षमा अरिफ मंगरले बताएको छ ||