लाब्दा बस्तीमा कृषक कल्याण संगठनको कार्यक्रम

गत शनिबार स्थानीय लाबा खासमल बस्तीमा कालेबुंग कृषक कल्याण संगठनको पहलमा यस क्षेत्रका तीनवटा एसएचजी समुहलाई लिएर कृषकवर्गको निम्ति धेरै महत्वपूर्ण कार्यक्रम सम्पन्न गरियो | कार्यक्रममा रबिन्द्र हंसदा( डीडीएम नावार्ड), पासाङ्ग लिम्बु (सीइओ, कृषक कल्याण संगठन मङपु चौरास्ता) आदि बिशेष रुपले उपस्थित रहेका थिए | उक्त कार्यक्रममा एयर लेरिंग, केसीसी कार्ड, एसएचजी फिल्ड भिजिट, इन्फर्मेशन अफ मार्केटिंग जस्ता कार्यक्रमलाई समावेश गरिएको थियो | यस कार्यक्रममा विरुवाबाट कसरी फल फलाउन सकिन्छ साथै विरुवाको स्वास्थ्य, कुनै पनि बोटबाट कसरी कलम बनाउनपर्ने विषयमा धेरै महत्वपूर्ण जानकारी गराइयो | उक्त कार्यक्रममा यहाँका तीनवटा स्वनिर्भर समुहका ६० – ७० जना महिलाहरुले यस कार्यक्रममा सहभागी जनाएका थिए भनी उत्तम मुखियाले जानकारी दिएका छन् ||