Bloomfield Dali - Winner of the Shahid Cup Football Tournament Mungpoo

मंग्पू/२० नोभेम्बर/केशर मोक्तान :- मंग्पू विभागीय खेलकूद संघको तत्वधानमा सम्पन्न भएको चौथो शहीद कप दोश्रो पल्ट पनि दार्जीलिंग ब्लूम फिल्ड डालीको झोलीमा गए | मंग्पूका दुई शहीद सुजित थापा अनि संजय राईको स्मृतिमा सम्पन्न भएको फूटबल टुर्नामेन्ट आज मंग्पू  विभागीय जन मैदानमा समितिकै अध्यक्ष बुद्ध कुमार थापाको अध्यक्षतामा सम्पन्न भयो | सिटोंग अनि डालीमाझ सम्पन्न भएको उक्त फुटबल फाइनल खेलमा शुन्य गोलको विरुद्ध चार गोल गरी दोश्रो पल्ट पनि ब्लूम फिल्ड डालीले शहीद कप हत्याउन सफल भएको छ | शुरु देखि नै एकतर्फी रहेको खेलको हाफ टाइम अघि नै ३ गोल गरेर डालीले आफ्नो टोलीलाई जीतको संघारमा पुराएका थिए भने मध्यान्तर पछि अझ १ गोल गरेर शुन्यको विरुद्ध चार गोल गर्दै ब्लूम फिल्ड च्याम्पियन भने | उक्त खेलको निर्णायक लिला बहादुर रहेको थियो | समारोहका प्रमुख अतिथि मंग्पू सिन्कोना बगान व्यवस्थापक सी० बी० थापा थियो भने विशिष्ट अतिथि सह व्यवस्थापक जे० सादा रहेका थिए |विजय दललाई  शहीद परिवारको पक्षबाट २०,००० रुपियाँ नगद राशी अनि ट्राफी प्रदान गरियो | आजको खेलको सर्वश्रेष्ठ खेलाडी दिशान फिपनलाई चयन गरियो भने म्यान अफ् द म्याचको खिताब अजय छेत्री ब्लूम फिल्ड डालीलाई सुम्पियो | साथै सर्वश्रेष्ठ दलमा ग्रीन माउन्टेन मंग्पूलाई चयन गर्दै ट्राफी प्रदान गरियो | खेल शुरु हुन भन्दा अघि दुई शहीदहरुको तस्वीरमा प्रमुख अतिथिको बाहुलीबाट खादार्पण साथै दीप जलन गरियो भने खेलको शुरुमा भुइँचालोमा पर्ने मृतकहरु अनि बिजनबारी पूल दुर्घटनामा परेर ज्यान गुमाउनेहरु प्रति शोक समवेदना प्रकट गर्दै दुई मिनटको मौन धारण गरियो |