कृषि मेला संगै पर्यटन विस्तार बारे सचेतना कार्यक्रम

मंग्पू | चन्दन खवास: दार्जीलिंग पहाडको परिचय नै टी, टिम्बर अनि टुरिजम आदिले दिने गर्छ | टी अथवा चिया जो बन्द हुने क्रममा सबै भन्दा अघि रहेको छ भने टिम्बरको पनि अवस्था दैनोदीन अति नै नाजुक हुँदै गइरहेको छ | दिन प्रतिदिन रुख कटाइले बन जंगलमा पूर्ण ह्रास आइरहेको छ | अन्तमा रहेको टुरिजम हो जो दार्जीलिंग पहाडको प्रमुख आय स्रोत हो को प्रतिक पनि हो | वर्तमानमा केन्द्र सरकार र राज्य सरकारले पर्यटन विकाशलाई विस्तार रुप दिन विभिन्न योजनाहरु हातमा लिएको छ | यस्तै प्रकारले गोर्खाल्याण्ड क्षेत्रीय प्रशासनले पनि जीटीए क्षेत्र भित्रका सम्पूर्ण भेकहरुमा इको – टुरिजम अनि ग्रामिण पर्यटनलाई बढवा दिनको निम्ति धेरैवटा योजनाहरु हातमा लिएका छन् भने थुप्रै ठाउँमा पर्यटन बिस्तारको योजना कार्यरुपमा भैरहेको छ | जोगीघाट कृषि मेलामा पनि पर्यटन बिस्तारको निम्ति पर्यटन विभागले विभागीय जानकारीको निम्ति विभागीय सुचना केन्द्रहरु राखिएको छ | मंग्पू लाब्दा अनि सिटोंग लाठ पन्चर समष्टिलाई पनि पर्यटनको मानचित्र भित्र अंतर्भुक्तिको निम्ति गोर्खाल्याण्ड क्षेत्रीय प्रशासनका मुख्य कार्यपाल बिमल गुरुङ स्वयंले कृषि मेलाको प्रथम दिन नै घोषणा गरिसकेका छन् | यसैको फल स्वरूप भोलि पर्यटन विभागले पर्यटन विषय बिशेष सचेतना कार्यक्रमको पनि आयोजन गरेको छ | पर्यटन विभागले उक्त सचेतना कार्यक्रममा दार्जीलिंग पर्यटनको  विगत, वर्तमान र भविष्य बारे जानकारी दिनेछ भने यो कार्यक्रमको मुख्य उदेश्य यस क्षेत्रलाई पर्यटन विकाश हेतु विभिन्न प्रकारको सुचना एवम जानकारी दिनुरहेको छ भने पर्यटन प्रति चासो राख्ने इच्छुक  युवा एकाईले कार्यक्रममा भाग लिइ भावी दिनमा पर्यटन विस्तार गर्ने सुनौलो अवसर साथै यस विषयमा थप जानकारीहरु पनि प्राप्त गर्न सक्नेछन् |