मङपु१५मार्च(केशर
मोक्तान): मङपु सरकारी
अस्पतालको देखरेख हालसम्म
सिन्कोना अधिनस्त नै भइरहेको
रहेको छ भने यस अस्पताललाई
पनि जी.टी.ए को स्वास्थ्य बिभाग
अधिनस्त अन्तर्भुक्त गरिए
धेरै नै असल हुने थियो भनि स्थानीय
जनताको भनाई छ | तथापी पहिलेको
भन्दा हालमा अस्पतालमा धेरै
नै सुधार आईरहेको बिरामीहरु
बताउछन् | सिन्कोना बगान निर्देशक
डा.जी.सी.सुब्बा साथै जी.टी.ए.
क्षेत्रीय सभासद रतन थापाको
पहलमा गत बर्ष १ फरवरी देखि
मङपुमा एक जना असल र अनुभवी
फिजीसियन डक्टर एस.के.गुरुङको
नियुक्ति गरिए पछि आस्पतालमा
धेरै नै सुधार आइरहेको छ | डा.गुरुङ
संगै चार जना भन्दा अधिक तालीम
प्राप्त अनुभावी नर्सहरुको
पनि अस्पतालमा नियुक्ति
गरिएको कारण मङपु सरकारी आस्पतालमा
हालमा बिरामीहरुले धेरै नै
राहतको श्वास फेरेका छन् | बिशेष:यस
अस्पतालमा अक्सीजनको व्यस्था
गरिएको कारण धेरै जना म्रितुसह्यामा
पुगिसकेका सिकिस्त बिरामीहरुले
पनि आफ्नो ज्यान बचाउन सक्षम
बनेका छन् | हालमा डक्टर एस.के.
गुरुङको निजि खर्चमा मङपु
आस्पतालमा ई.सी.जी.मेसिन,फिजीयो
थेयोरेपी मेसिन अनि प्लस अक्सीमीटर
पनि उप्लब्ध गराइएको डाक्टर बताउछन् | यसरी मङपु सरकारी अस्पतालमा
खुन जाच,मुत्र जाच संग संगै
विकास तामांगद्वारा हात खुट्टा
भाचिएको बिरामीहरुलाई उपचार
गरिने भएकोले समस्त मङपुबासी
अनि मङपूवरिपरिका गाउँवस्तीबासीहरुलाई
धेरै नै सुबिधा भइरहेको छ | सिन्कोना
बगानको पक्षबाट सोलार मेसिन
साथै कम्पुटर पनि उप्लब्ध गराएको
छ अनि यसले धेरै नै रोगीहरुलाई
सुबिधा भइरहेको जान्नमा आएको
छ | अस्पताल कृतपक्षले बिरामीहरुलाई
४५ प्रतिसत औषधि बितरण गरिएको
बताए ता पनि बिरामीहरुले भने
प्राय जसो औषधि बाहिरबाट नै
किन्न पारिरहेको गुनासो ब्यक्त
गरेका छन् | यस सरकारी आस्पताललाई
सुधारमा ल्याउनको निम्ति बगान
पक्षले धेरै नै कोशिश गरिरहेता
पनि अझै अस्पतालमा थुप्रै अशुबिधाहरु
रहेका छन् | प्रकितिक प्रकोप
तथा अन्य कारणले गर्दा आस्पतालमा
बिधुत सर्वारह नभएको समय धेरै
नै असुबिस्ता भइरहेको कारणले
यहाँ एउटा ठुलो जेनेरेटर उपलब्द
गराए आपतकालीन समयमा बिरामीहरुको
सेवाको निम्ति धेरै असल हुनेछ | यस
आस्पतालमा एक्सरे मेसिन,यु.एस.जी.
मेसिन लगायत अन्य थुप्रै कुराको
अभाव रहेको डक्टर गुरुङ बताउछन् |
Post a Comment
We love to hear from you! What's on your mind?