मङपु सिम्बिडियम अर्किड पार्कमा पर्यटकहरुको भीड

सिन्कोना बिभाग द्वारा शुरु गरिएको मङपु सिम्बिडियम अर्किड पार्क (Mungpoo Cymbidium Orchid Park )मा दुई बर्ष नबित्दै पर्यटकहरुको भीड जम्न थालेको छ | सिन्कोना बगानका भूतपूर्व निर्देशक डाक्टर जी.सी सुब्बाको प्रयासमा १३ अप्रेल २०१३ सालमा उद्घाटन गरिएको मङपु अर्किड पार्कमा हालमा १५० भन्दा अधिक प्रकारको अर्किड रहेको छ | अहिले घरि अर्किड फुल्ने समय रहेको कारण यस अर्किड हाउसमा फुलेको अर्किड हेर्न देश विदेशबाट पर्यटकहरुको भारी मात्रमा आगमन हुन् थालेको छ | सिन्कोना बगान श्रमिक कर्मचारी एव अर्किड हाउसको फुलमाली सतीस राई,पुष्कर सिंगर,रबि राई लगायत अन्य १५ जना श्रमिकको देखरेखमा सम्पन्न भईरहेको उक्त अर्किड हाउसमा हालमा अर्किड संग संगै विभिन्न प्रकारको फुलहरु पनि लगाएको छ | मङपु अर्किड पार्कमा फुलेको एम सीरिसको अर्किड फुलको प्रति स्टीक एक सय रुपिया गरेर छिमेकी राज्य सिक्किममा बिक्री भईरहेको कुरो यहाँका मालीहरु बताउछन भने उक्त फुल बिक्रीको रकम सोझै सिन्कोना बिभागलाई नै गईरहेको थाहा लागेको छ | यस अर्किड पार्कमा फुलेको फुल बिगत बर्षहरुमा कोलकत्ताको पुष्प प्रदर्शनीमा प्रदर्शन गर्न लैजाँदा एक पर्यटकले यहाको अर्किड फुलेको देखेर आँखाभरि आशु झारेर तीन छक्क परेको कुरो पनि बताउछन यहाँका फुल मालीहरु | विभागीय तौरमा यस अर्किड हाउसमा ३० प्रकारको अर्किड मात्र  भित्रन पाए पनि यहाँका मालीहरु पुस्कर सिंगर, रबि राई अनि सतीस राईको प्रयासमा १५० भन्दा अधिक प्रकारको अर्किडहरु रहेको थाहा लागेको छ | यस अर्किड घरमा सिँगापुर, अस्ट्रेलिया, भुटान सिक्किम, कालेबुङ,दार्जीलिङ,मिरिक आदि क्षेत्रहरुबाट पनि एम सिरिजको अर्किडहरु ल्याइएको छ भने अर्किड फुलसंगै बिभिन्न प्रकारको फुलहरु,सब्जीहरु आदि पनि लगाइएको  छ | यही पार्कबाट पर्यटकहरुले यहाँबाट कन्चनजंगा साथै  विभिन्न ठाउँको मनोरम दृश्यको अवलोकन पनि गर्न सक्नेछन | यसरी यस ठाउँमा पर्यटकको निम्ति माछा पालन अनि सेतो खरायो पालन पनि गरिएको छ | हालमा यहाको अर्किड साथै मनोरम दृश्यको अवलोकन गर्न सिँगापुर् बंगलादेश,फ्रान्स,जापन,स्विजरल्याण्ड साथै देश भित्रकै बिभिन्न ठाउँबाट भारी मात्रामा पर्यटकहरु आउने गरेको थाहा लागेको छ | यस अर्किड हाउसमा प्रवेश गर्नको निम्ति एकजना पर्यटकलाई प्रति २५ रुपिया अनि बिधार्थीवर्गलाई १० रुपियाँ लिइरहेको अनि उनीहरुलाई भित्र प्रवेश गरेपछि एक कप दार्जीलिंङ चिया अथवा कफी निशुल्क रुपमा बितवारण गरिएको जानकारी यहाँकै श्रमिकले दिएका छन | यसै संग्रह गरेको कोषबाट नै क्षेत्र वरिपरिको साफसफाई साथै मर्मती गरिरहेको थाहा लागेको छ | पहिले यस अर्किड हाउस निर्माणको निम्ति कोषहरु आउने गरेता पनि हालमा भने कोषहरु नआएको कारण उक्त अर्किड पार्कको अवस्था दिनप्रतिदिन सोचनीय बन्दै गईरहेको छ फलत बिगत बर्षको चैत महीनाको हुरीले भत्काएको अर्किड हाउस अहिले सम्म मर्मत गर्न नसकिएकोमा दुख प्रकट गर्छन् यहाका मालीहरु | रबीन्द्र संग्राहलय पछि यस अर्किड हाउस  पनि मङपुको एक पर्यटन स्थल रहेको हुनाले यसलाई संरक्षण गर्न सिन्कोना बिभाग संगै,संघसंस्था  साथै बिभिन्न पार्टीका राजनैतिक नेतागण अघि आउने समय आएको छ | यस अर्किड हाउसलाई  समयमा मर्मत नगरे दिनदिनै यसको अस्तित्व लोप हुदै जाने छाट सम्म देखा परेको छ | उक्त बिषयमा सिन्कोना बगान निर्देशक डा.सामुएल राईसित जान्न चहादा उनले यस अर्किड पार्कलाई अझ  बृहत रुपमा बडाएर लैजाने योजना रहेको बताउदै  चाड़ै नै बिभागीय तौरमा मर्मत गर्ने कुरो जनाए | यसरी हालमा मङपु अर्किड पार्कमा  दिनमा १२५ जना सम्म पर्यटकहरु आउने गरेको बगान निर्देशकले बताउदै अर्किड  हेर्ने पर्यटकहरुको संख्या दिन प्रतिदिन वृद्धि भएकोले अर्किड हाउसमा फुलेको  अर्किडहरु केवल आधा  मात्र काटेर बिक्रीको निम्ति लागिएको कुरो जनाउदै यस फुल बिक्रीको रेभेन्यु सिन्कोना विभागमा नै बस्ने कुरो जनाए | स्थानीय अर्किड उमार्ने व्यक्तिहरुलाई प्रोत्साहन दिनको निम्ति पनि बिभिन्न प्रकारको अर्किडहरु यस अर्किड हाउसमा फुलाउने  गरेको बगान निर्देशक डा.सामुएल राईले जनाए |