देशको उच्चतम न्यायालयले गोर्खा जनमुक्ति मोर्चा अध्यक्ष बिमल गुरुङलाई पक्राउ गर्नदेखि अघिल्लो सुनवाईसम्म रोक लगाएको भए पनि पुलिस अनि अन्य सुरक्षा एजेन्सीहरुले अझसम्म पनि गुरुङमाथि गिद्ध नजर राखिरहेको छ | पार्टी अध्यक्ष गुरुङले हालैमा अडियो जारी गर्दै दिल्ली जाने कुरा बताए पछि झनै सुरक्षा एजेन्सीहरु सक्रिय भइरहेको छ | पुलिस सुत्र अनुसार बिमल गुरुङलाई पक्राउ गर्न पश्चिम बङ्गाल राज्य सीआइडीको बिशेष टीम दिल्ली गइसकेको थाहा लागेको छ |
बिमल गुरुङ हवाई मार्ग भएर जाने आशंकाले सिलिगुडीको बागडोग्रा एयरपोर्टमा पनि कडा नजर राखिएको छ भने गुरुङलाई राज्य भित्रै पक्राउ गर्न पुलिसकर्मीहरु विभिन्न सडकहरुमा पनि उत्तिकै नजर राखिरहेको जानकारी छ | स्मरण रहोस, गत मंगलबार मात्र देशको सुप्रिम कोर्टले गोजमुमो सुप्रिमो बिमल गुरुङमाथि गोर्खाल्याण्ड आन्दोलनकालमा लगाइएको विभिन्न बिस्फोट, साथै हिंसाहरुको मुद्दा बमोजिम पक्राउ निर्देशलाई दुई हप्तासम्म रोक लगाएको छ | यही मौकामा गुरुङले दिल्लीमा डेरा जमाएर विभिन्न मुद्दामा जेलमा बन्द मोर्चा नेताहरुलाई जेलमुक्त गराउन याचिका चडाउने कुरा गरिरहेका थिए ||
Post a Comment