डिभाइन युथ सोसाइटीद्वारा सफाई अभियान

स्वच्छ भारत अभियानलाई शिरोपर गर्दै लाब्दा विभागका शिक्षित युवावर्गले डिभाइन युथ सोसाइटी नामक एउटा झुण्ड बनाइ सामाजिक सचेतना कार्यक्रमहरु गर्दै आइरहेको छ | आज मात्र यस सोसाइटीले लाब्दा विभागको ऐतिहासिक धरोहर मानिने दोङाङ छ्योइलिङ सार्वजनिक बौद्ध गुम्बादेखि मन बहादुर राईको घरसम्म पुग्ने बाटो साफ सफाई गरेको छ | बर्खाको शुरुमै भत्किएका नालीहरु अनि झोंडी जंगल सफाई गर्दै हिड्न लायकको बनाएको छ |सोसाइटीका सम्पूर्ण सदस्य सदस्या मिलेर यस सफाई अभियानलाई सफल बनाएका थिए | बिशेष गरेर यस प्रकारको अभियान गाउँ बस्ति, समाजमा मात्र नभएर यस्तो सफाई अनि सचेतना कार्यक्रमहरु सबैले नै देशभरि गरिन सके देश स्वत: स्वच्छ अनि सुन्दर भएर जाने सोसाइटीको बिचार छ | सफाई कार्यक्रमको अन्तमा सोसाइटी सभापति सलिम तामांगले सम्पूर्ण सदस्य सदस्यावर्गलाई धन्यबाद दिंदै आगमी दिनहरुमा सोसाइटीले अझ यस्तै सफाई अभियान सचेतना अनि गाउँ सुधारक कार्यक्रमहरु गरेर लाने बताएका छन् ||