MP SS Ahluwalia with Bimal Gurung |
दार्जीलिंग लोकसभा क्षेत्र सांसद तथा केन्द्रीय मन्त्री एसएस अह्लुवालियाले गोर्खा जनमुक्ति मोर्चा विनय तामांगलाई दार्जीलिंग लोक सभा क्षेत्रबाट चुनाव लडेर देखाउने चुनौती दिएका छन् | मन्त्री अह्लुवालियाले पहाडको जनता आजसम्म पनि गोजमुमो अध्यक्ष बिमल गुरुङकै पक्षमा रहेको पुन: दाबी गरेका छन् |
सांसद अह्लुवालियाले सिलिगुडीमा भाजपाद्वारा प्रायोजित गणतन्त्र बचाऊ रथयात्राको तयारीमा बर्द्वान रोड स्थित शिल्पांचल भवनमा आयोजित एउटा सभा अवधि पत्रकारहरुलाई सम्बोधन गर्दै यसो भनेका हुन् |
हालमा विनय तामांगद्वारा आफू माथि लगाएको आरोप आलोचना र दार्जीलिंग क्षेत्रबाट भूमिपुत्र उम्मेदवार उठाउने विषय माथि बोल्दै मन्त्रीले भने यदि विनयले आफूलाई दार्जीलिंगको भूमिपुत्र मान्छ भने तिनले चुनाव लड्न कहाँ जानपर्छ? भूमिपुत्रको अर्थ के हो? जो यो देशमा जन्मियो उ नै यो देशको भूमिपुत्र हो |
मन्त्री अह्लुवालियाले अझ भने - मलाई विनय तामांगको समर्थनको आवश्यकता छैन, जो ममता ब्यनार्जीको साथमा छ हामीलाई उसको समर्थन चाहिंदैन | विनयको कति समर्थक छ, कति समर्थन पाउँछ त्यो त समयले देखाउनेवाला छ |
दार्जीलिंग सांसद अह्लुवालियालाई पहाडको भ्रमण कहिले गर्ने भनी सोधिएको प्रश्नमा सठीक समय आएपछि पहाडको यात्रा गर्ने बताउँदै हालमा पनि पहाडबासी मलाई भेट्न आइरहेका छन्, तिनीहरुको मुद्दामा मेरो ध्यान स्थिर नै छ भनी बताए |
Post a Comment
We love to hear from you! What's on your mind?