११ डिसेम्बर देखि मङपुमा हाते भकुण्डो प्रतियोगिता शुरु

मङपु पुलिस आउट पोस्ट अनि मङपु भलिबल क्लबको आयोजनामा आगामी ११ दिसम्बरदेखि हातेभकुण्डो प्रतियोगिता शुरु हुनेछ | पुलिस अनि स्थानीय जनताको सम्बन्धलाई अझ प्रगाड राख्नको निम्ति नै यस प्रकारको खेलको आयोजन गरिएको मङपु पुलिस आउटपोस्ट प्रभारी एसआई पासाङ तामाङले बताए | भीमकुमार पाख्रिन स्मृति च्यालेन्ज कप हातेभकुण्डो प्रतियोगितामा जम्मा १३वटा दलले अंशग्रहण गरेका छन जसमा नेपाल,सिक्किम,मिरिक कालेबुङ,खरसाङ, सोमकमा अनि मङपुका विभिन्न दलहरुले रहेको छ | उक्त प्रतियोगिताको सम्पूर्ण खेलहरु सरस्वती कन्य विधालय प्रागणमा समय एक बजे दिउसो सम्पन्न हुनेछ भने फाईनल खेल २४ दिसम्बरको दिन सम्पन्न गरिनेछ | खेलको उदघाटन विभिन्न रंगारंग कार्यक्रम माझ हुनेछ भने त्यस दिनको समारोहमा प्रमुख अतिथि सीआई पुरण राई अनि बिसिष्ठ अतिथि सिन्कोना बगान निर्देशक डा.सामुएल राई उपस्थित रहेने भएको छ | उक्त हातेभकुण्डो प्रतियोगितामा आयोजक समिति सम्पूर्ण जनतालाई हार्दिक स्वागत गरेको छ ||