विलुप्त भइसकेको चित्रकलाको जगेरा गर्न मंग्पूका चित्रकारहरु

मंग्पू | केशर मोक्तान: प्रत्येक वर्ष झै यस वर्ष पनि मंग्पूको दुई दिने मेलामा स्थानीय सरस्वती कन्या विधालयमा मंग्पूका समग्रह चित्रकारहरु एक जूट भई चित्र प्रदर्शनी गरे | उक्त चित्र प्रदर्शनीको उद्घाटन मंग्पू सिन्कोना बगान व्यवस्थापक सी० बी० थापाको बाहुलीबाट गरियो | विलुप्त हुँदै गएको चित्रकलालाई यथावत राख्न नै यस प्रकारको चित्र प्रदर्शनी राखिएको चित्रकारहरुको भनाई छ | यस चित्र प्रदर्शनीमा मंग्पूका प्रख्यात चित्रकारहरु गणेश प्रधान, राजेन सिलाल, पुष्कर सिंगार, पुष्प कुमार राई, रवीषा रसाईली, दिपक राई अनि अनुप गुरुङले आ- आफ्नो हातले कोरेको सुन्दर चित्रहरु प्रदर्शनीमा राखेका थिए | उक्त चित्रको मूल्य प्रति ५ ००० रुपियाँ देखि लिएर ६१००० रु० सम्म रहेको चित्रकारहरुले बताएका छन् | उक्त प्रदर्शनी जीटीए वन विभागका कार्यकारी सभासद रतन थापाले पनि परिदर्शन गरे | यसरी प्रत्येक वर्ष चित्र प्रदर्शनी राख्दै विलुप्त हुँदै गएको चित्र कलालाई जागेर गर्न मंग्पूका चित्रकारहरुले कुनै कसर बाँकी राखेनन् |