रोङचोङमा शान्ति चंगाई उत्सव

रोङचोङ  भिक्टोरी चर्चेस अफ इंडिया(भे.सी.आई.)द्वारा रोङचोङ जनमैदानमा तीन दिने शान्ति अनि चंगाई महोत्सव  भब्य रुपमा सम्पन भयो | उक्त  महोत्सवमा  धेरै रोगी बिरामीहरुको चंगाई हेतु प्राथना गरियो भने कतिजनाले प्राथना द्वारा चंगाई प्राप्त गरे | भी.सी.आई. सिलगडी लगायत रोङचोङ भी.सी.आई. मण्डलीको युथ झुण्डले अति नै सुन्दर ढंगमा स्तुती आराधनामा प्रस्तुती गरेर भीडलाई आनन्दीत तुलाए | रोङचोङ भी.सी.आई. मण्डलीका पास्टर प्रकाश लेप्चाद्वारा संचालित उक्त तिन दिने महोत्सवमा परमेश्वरको बचन छर्दै चंगाईको प्राथना रेभ. दानियल लेप्चा अनि रेभ.जोन फ्राकसुवा गरे | उपस्थित भीडलाई ग्रेसी लेप्चा,रुथ तामांग.रोशनी तामांग,रेचल लेप्चा,सन्जु सादा अनि माइकल राई द्वारा सांगीतिक प्रस्तुती दिए | यसरी  मण्डलीका नानीहरुद्वारा असल नृत्य प्रस्तुत गरियो | कतिजनाले यसै महोत्सवमा यशुलाई आफ्नो मुक्तिदाता भनि स्वीकार्दै ग्रहण गरे | पास्टर प्रकाश लेप्चादवारा सबै सहयोगीहरुलाई आभार ब्यक्त गर्दै अन्तिम प्राथनाको अगुवाई गर्दै महोत्सवको अन्त गरे |