चट्याङले ब्याउने गाई मार्यो

मङपु२७अगष्ट(केशर मोक्तान): मङपु लाब्दा बिभाग निवासी मदन राईको घरमा  हिज  राती ९.३० बजे चट्याङ हानेको कारण गोठमा बाधिएको ब्याउने गाईको मृत्यु भएको समाचार छ | घरमा अनि गोठमा चट्याङ हानेकोले  घरमा जड़ान गरिएको बिधुतको तार चुडिनाको साथै घरमा लगाएको बिजुली बत्तीको कटआउट समेत उछिटिएर हराएको बताएको छ |  उक्त घटना भएको समयमा बिधुत सर्वाह  नभएको कारण अझ  ठुलो क्षति हुनबाट जोगियो यदि त्यस समय बिधुत सर्वाह  भएको भए  धेरै ज्यानमालको खति हुनेथियो भनि प्रत्यक्षदर्शीको भनाई छ | यस भन्दा एक हफ्ता अघि पनि लाब्दा विभागमा एउटा घरमा चट्याङ हान्दा घर पूर्णरुपले  क्षतिग्रस्त हुनको साथै बिधुत यन्त्रहरु पूर्णरुपले जलेको थाहा लागेको छ | स्थानीय वृद्धा बासीन्दाको भनाई अनुसार पहिले भन्दा हिज आज एकदमै ज्यादा चट्याङ हानेको कुरा उनीहरु बताउछन | बिशेष सुत्र द्वारा थाहा लागे  अनुसार हालमा चारैतिर मोबाईल टावरहरु लगाएको कारण पनि बितेको बर्ष भन्दा यस बर्ष ज्यादा चट्याङ हानेको हुन सक्ने आशंका व्यक्त गरिएको छ | बारम्बार प्राकृतिक प्रकोपको कारण हानिरहने चट्याङले मङपु क्षेत्रमा दुई सय भन्दा ज्यादा टेलिभिजन जल्न अथवा बिग्रनको साथै धेरै मात्रमा बिधुत यन्त्रहरू बिग्रिएको समाचार प्राप्त भएको छ | बिशेष गरेर चट्याङ हानेको समय टी.बी. मा क्याबल तार जोडेर राखेको कारण नै ज्यादा मात्रामा टी.बी.हरु जल्न पुगेको थाहा लागेको छ |