महाराजा क्याटरिंङ द्वारा दोश्रो वर्षगाँठ पालन

मङपू३१डिसेम्बर(केशर मोक्तान): बर्ष २०१३लाई विदाई  दिदै अनि नव बर्ष २०१४को स्वागत जनाउदै स्थानीय महाराजा  क्याटरिंङ ग्रुप (Maharaja Catering Group)ले स्थानीय जोगीघाटमा दोश्रो वर्षगाँठ  पालन पालन गरे | समारोहका प्रमुख अतिथि क्षेत्रीय सभासद रतन थापाले महाराजा क्याटरिंङ ग्रुपको दोस्रो वर्षगाँठको अवसरमा आज नयाँबर्ष २०१४को केक काट्दै सबैलाई शुभकामाना व्यक्त  गरे | स्मरण रहोस उक्त महाराजा क्याटरिंङले गत बर्ष आजको दिन नै क्याटरिंङको कार्य शुरु गरेर गाउँ समाजको दुख सुखको कार्यमा धेरै नै सहयोग पुराएका थिए | गायक सुरेन पाख्रीनले संचालन गरेको समारोहमा सिक्कमबाट आएका कलाकार एवं गायिका अनिता राई लगायत स्थानीय कलाकार राकेश मोक्तान अनि राजा सिन्द्नको अगुवाइमा सांगीतिक साझ प्रस्तुत गरियो | पुशको कठ्न्ग्रिने जाडोमा पनि गायिका अनिता राईले नेपाली तथा हिन्दी गीत गाएर सबै संगीतश्रोतालाई नचाए | आजको यस वर्षगाँठ समारोहमा सभासद रतन थापाको श्रीमती पूर्णिमा थापा (मोक्तान),मोर्चा मङपू जोन सभापति प्रदीप छेत्री लगायत पार्टीका अन्य कार्यकर्ता अनि लाब्दा बिभागका बयोबृद्ध समाजसेवी वर्ग उपस्थित थिए | कार्यक्रममा उपस्थित अतिथिवर्गलाई महाराजा क्याटरिंङ ग्रुपका सदश्य दिपेन योन्जन,शेखर मोक्तान,सन्तोष सिंङदन,सैलेन्द्र पाख्रीन,धुर्ब राई लगायत अन्यले खदा लगाईदिएर कार्यक्रमलाई सफलीभूत पारिदिएकोमा स्वागत जनाए |