दार्जीलिंङ एसपी द्वरा खोरीबारी पीएस सेन्ट्री हाउसको उदघाटन

आज एक भब्य कार्यक्रम बीच खोरीबारी पुलिस स्टेशन “सेन्ट्री हाउस”को उदघाटन दार्जीलिंङ एसपी अमीत.पी. जभालगी(आईपीएस)को बाहुलीबाट गरियो | खोरीबारी पीएस ओ.सी. डी गजमेरको कुशल कार्यकालमा उक्त सेन्ट्री हाउसको निर्माण गरिएको छ | दार्जीलिंङ जिल्ला भरिमा प्रथम चोटी बुलेट फ्रुफ “सेन्ट्री हाउस”को निर्माण गरिएको जानकारी खोरीबारी पीएस अधिकारी डी.गजमेरले जानकारी दिएका छन | आजको यस उदघाटन  समारोहमा दार्जीलिंङ एडिसनल एस.पी.सुर्यप्रताप यादव, सी.आई नक्सल सौमयजीत रोय लगायत अन्य पुलिस अधिकारी उपस्थित थिए | स्मरण रहोस गत महीना पंजाबमा आतंकवादीहरु द्वरा पुलिस चौकीमा हमला गरिएको कारण नै यस प्रकारको बुलेट फ्रुफ सेन्ट्री हाउस निर्माण गरिएको जानकारी पुलिस अधिकारीले दिएका छन |