दार्जीलिंग सिन्कोना बगान मजदुर युनियनको जीपी सभा

यहाँको रविन्द्र भवनमा दार्जीलिंग सिन्कोना बगान मजदुर युनियन (Darjeeling Cinchona Plantation Labour Union)  मङपू जोनल कमिटिकै सभापति एनबी ठकुरीको सभापतित्वमा सम्पन्न भएको छ | सभामा सीआइटीयु केन्द्रीय कमिटिका सम्पादक भूपू सांसद समन पाठक, मजदुर नेता सुदिप दत्त साथै डीवाइएफआइ जोनल सचिव सचिन खातीले सम्बोधन गरेका थिए | यही सभामा केन्द्रीय सचिव बीके मोक्तानले बगान विषयमा बोल्दै सिन्कोना बगानको नियुक्ति र पदोन्नतिले एक - दुई मजदुर - कर्मचारीवर्गको आर्थिक प्रगति हुन सक्ला तर सिन्कोना उद्योगको उद्धार हुनेछैन भनेका छन् | बगानको बर्तमान जीर्ण अवस्था माथि सम्पूर्ण बगानबासी गम्भीर रहनुपर्ने मन्तव्य पनि राखेका छन् | यस विषयहरु माथि सम्बन्धित विभाग एवम निर्देशक महोदयसित भेटवार्ता चाडो गर्ने साथै श्रमिकवर्गको लेबर एक्ट अनुसार प्राप्त अधिकार र हित विषय व्यवस्थापक विभागीय अधिकारीवर्गसित अन्तर्वार्ता गरिने अनि कुनै समाधान सुत्र फेला नपरे जन आन्दोलनमा उत्रिने सम्पूर्ण उपस्थिति साथै खटी खाने सिन्कोना बगानका मजदुरवर्गलाई आह्वान गरेको छ भनी एक विज्ञप्ति मार्फत जोनल कमिटि सचिव खगेन बराइलीले जनाएका छन् ||