मङपू-लाब्दा समष्टि
अन्तर्गत रङजुभेल्ली विभागमा
आज गोरखा जनमुक्ति मोर्चाको
एक चुनावी सभा सम्पन्न भयो
। यसै चुनावी जनसभा बिच केही
महीना अघि गोजमुमो छोड़ी तृणमूल
कंग्रेसमा सामेल भएका १० परिवार
समर्थकहरू पुनः गोरखा जनमुक्ति
मोर्चामा सामेल भएका छन् ।
गोजमुमो पार्टीको महत्व बुझेर
पुन: सामेल हुन आएका नयाँ समर्थकहरूलाई
सभासद् थापाले गोजमुमोको झण्डा
प्रदान गरी गोजमुमोमा स्वागत
जनाएका छन् |
सभालाई
सम्बोधन गर्ने क्रममा सभासद्
रतन कुमार थापा लगायत अन्य
वक्ताहरूले गोरखाहरूलाई जात-जातमा
विभाजन गर्ने षड़यन्त्रलाई
निष्फल पार्न अनि गोरखाल्याण्डको
मुद्दालाई सशक्त तुल्याउनको
निम्ति पनि यसपल्टको बिधान
सभामा गोजमुमो प्रार्थी डा०
रोहित शर्मालाई सबैले एकजुट
भई बहुमतले विजयी तुल्याउनुपर्ने
अपील गरे । गोरखाहरूको हितमा
अनि गोरखाल्याण्डको पक्षमा
पहाडमा गोजमुमो पार्टी मात्र
रहेको कारणले गर्दा आपसी मनमुटाव
अनि मतभेदहरू भुलेर पनि गोजमुमो
प्रार्थीलाई भोट दिएर विजयी
तुल्याउनुपर्ने वक्ताहरूले
अपील गरेका छन् । उक्त चुनावी
सभामा क्षेत्रीय सभासद् रतन
कुमार थापा लगायत गोजमुमो मङपू
- लाब्दा समष्टि अध्यक्ष उर्गेन
शेर्पा, सचिव रतन लामा, युवा
मोर्चा अध्यक्ष विकास गुरूङ,
सचिव विज्ञान मिश्र, डीटीपीएलयु
सिन्कोना विभागका मङपू जोनल
सचिव किशन बुड़ाथोकी लगायत
अन्यान्य उपस्थित रहेका थिए
।
Post a Comment
We love to hear from you! What's on your mind?