लाब्दा बस्तिमा चर्च उद्घाटन

लाब्दा बस्तीको ख्रीष्टीय समुदाय हिमालयन पेन्टिकोस्टल (Pentecostal church labdah busty) मण्डलीको नव निर्मित चर्च भवन विशप पीबी लेप्चाको बाहुलीबाट उद्घाटन गरियो | पास्टर डीबी आलेको प्रार्थना द्वारा शुरु गरिएको कार्यक्रममा मङपू, सिटोंग, अरिङगले, तक्दाह आदिका सम्बन्धित पास्टरहरु अनि विश्वासीहरुको बिशेष उपस्थिति रहेको थियो | कार्यक्रममा सन्डे स्कुलका नानीहरु द्वारा रोचक नृत्य, गीत आदि प्रस्तुत गरेर कार्यक्रमलाई अझ मनोरन्जक बनाएको थियो भने मण्डलीका आमा अनि बाबु झुण्डहरुले पनि मिठो गीतहरु प्रस्तुत गरेका थिए | आजको उद्घाटन कार्यक्रममा बिशप पीबी लेप्चाले यो चर्च मण्डलीको आफ्नै खर्चमा बनिएको एउटा ऐतिहासिक चर्च बताएका छन् भने उनले बाइबलको हरफहरुबाट सान्दर्भिक उपदेशहरु झिकेर ख्रीष्ट येशुको प्रसंसा गरेका थिए ||