सन्त मंगल एकाडेमीमा प्रदर्शनी तथा स्कूल मेला सम्पन्न

आफ्नो स्थापना दिवसको बीस वर्षे शैक्षिक कार्यक्रम अन्तर्गत सन्त मंगल एकाडेमीले पथप्रदर्शक गुरु सन्त मंगलदासको जन्मदिनको उपलक्ष्य स्वरूप एक कला प्रदर्शनी तथा स्कूल मेलाको आयोजन विधालय परिसरमा धुमधामले सम्पन्न गर्यो |

प्रदर्शनीमा विधार्थीहरुबाट निर्मित विभिन्न प्रकारका हस्तशिल्पहरु राखिएको थियो | थर्माकल, काठ, माटो, धागो, कागज, लुगा, बाँस तथा काम नलाग्ने बोतल, अन्य सामाग्रीले तयार गरिएका अनेकन हस्तशिल्पहरु हेरेर अभिभावकवर्ग मन्त्रमुग्ध बने | प्रदर्शनीमा अभिभावक कलाकारहरुबाट बनाइएका सामाग्रीहरु पनि नानीहरुका प्रेरणाको निम्ति राखिएको थियो | गोर्खा जातिका विभिन्न जात गोष्ठीले लगाउने पहिरनहरु पनि प्रदर्शनीमा राखिएको थियो | मङपुका केही प्रतिष्ठित चित्रकारहरु गणेश प्रधान, राजेन शिलाल, स्व० राजु रसाइली तथा अनुप गुरुङका परिचय सहित सुन्दर चित्रहरु नानीहरुका प्रेरणाको निम्ति प्रदर्शनीमा राखिएको थियो | यस अतिरिक्त नवौं श्रेणी द्वारा भौतिक विज्ञानका चुम्बक, प्रकाश, न्युटनका नियम, इलेक्ट्रोनिक्स अनि साधारण काम नलाग्ने मोटरहरु लिएर बनाएको रोबर्ट आदिका मुर्ति परियोजनाहरु पनि समाहित थिए | प्रदर्शनीमा विवरण तथा प्रयोग विधि सहित विभिन्न प्रकारका औषधिमुलक पौधाहरु पनि राखिएको थियो | यस बाहेक मेलामा धेरै प्रकारका मनोरन्जनात्मक खेलाहरुको साथमा विभिन्न खानपानहरुको विधार्थी साथै अभिभावकवर्गले मनोरंजन लिए ||

Photo by: Pemsang Yanchi Lama