टिक्न सकेन शेर एफसी, २ गोल गरेर अमुक्त परिवार क्वाटर फाइनल पुग्यो

मङपु खेल मैदानमा सम्पन्न भइरहेको गोल्ड कप टुर्नामेन्टमा आज अमुक्त परिवार सिलिगुडीको सामना शेर एफसी कालेबुङसित भयो | खुबै मनोरन्जक आजको म्याचमा दुवै दलका खेलाडीहरुले उच्च स्तरीय प्रदर्शनी दिंदै सबैलाई उत्साहित पारेका थिए | दुवै दलले एकाधिक मौकाहरुलाई गोल पोस्टमा छिराउन नसक्दा म्याच प्राय: बराबरीमा हुँदा हुँदै ४७ मिनटमा अमुक्त परिवारका ३ नम्बर जर्सीधारीले शेर एफसीको गोल रक्षकलाई छक्काउन सफल भएर एक गोल गरेपछि खेल झनै रोमान्चित बन्यो | शेर एफसीका खेलाडीहरुले गोल सुलाउने लाख प्रयास गर्दा गर्दै पुन: ७० मिनटमा अमुक्त परिवारकै पक्षमा जर्सी नम्बर ७ ले दोश्रो गोल गरेपछि शेरएफसीको विरुद्ध जम्मा दुई गोल गरेर अमुक्त परिवार सिलिगुडी विजयी बन्यो | खेल अवधि शेर एफसीका १४ नम्बर जर्सीधारीले पहेंलो कार्डको सामना गर्नु पर्यो भने आजको विजयी दल अमुक्त परिवार आगमी २७ अक्टोबरमा आर्मी ३/९ बागडोग्रासित क्वाटर फाइनल खेल्नेछ | भोलि अर्थात १३ अक्टोबरमा युनाइटेड सिक्किमको ३९ जीटीसी वरानस, उत्तरप्रदेशसित भिडन्त हुनेछ ||  

Nigerian player of Amukta Pariwar Siliguri